თუ გახველებთ, გაქვთ ტემპერატურა და ყელის ტკივილი, ტესტირებას ექვემდებარებით - თენგიზ ცერცვაძე დამატებით კატეგორიას ასახელებს, ვისაც კორონავირუსზე ტესტირების ჩატარება შეეხება
თუ გახველებთ, გაქვთ ტემპერატურა და ყელის ტკივილი, ტესტირებას ექვემდებარებით - თენგიზ ცერცვაძე დამატებით კატეგორიას ასახელებს, ვისაც კორონავირუსზე ტესტირების ჩატარება შეეხება
თბილისის ინფექციური საავადმყოფოს დირექტორის, თენგიზ ცერცვაძის განცხადებით, ახლადშემუშავებული ალგორითმის თანახმად, კორონავირუსზე გამოკვლევა ჩაუტარდებათ იმ პირებსაც, რომლებსაც, ან დაავადების სიმპტომები, ან სარისკო ქცევის ისტორია აქვს.

ცერცვაძის განცხადებით, ახალი ალგორითმი სრულიად განსხვავდება იმისგან, რაც ამჟამად მოქმედებდა.

ამასთან, როგორც მან „ღამის კურიერთან“ საუბარში აღნიშნა, სახელმწიფომ ალგორითმის ის მოდელი შეარჩია, რომელიც დღეისთვის საუაკეთესოა საქართველოში არსებული მდგომარეობისა და რესურსების გათვალისწინებით.

„დღემდე მოქმედი ალგორითმი გულისმხმობდა მხოლოდ იმ პირების ტესტირებას, რომლებსაც ჰქონდათ მწვავე რესპირაციული ინფექციის სიმპტომები ცხელებით ან ცხელების გარეშე და იყო მეორე აუცილებელი პირობა, რომ ამ
პიროვნებას უნდა ჰქონოდა რაღაც რისკის შემცველი ქცევები ანუ მას უნდა ემოგზაურა ბოლო 14 დღის განმავლობაში მაღალი რისკის ზონის ქვეყნებში, ან უნდა მიეღო სტუმარი ამ ქვეყნებიდან, ან უნდა ყოფილიყო კონტაქტში ავადმყოფებთან. სხვები ტესტირებას არ ექვემდებარებოდნენ. ეს სრულიად საკამარისი იყო შეკავების ფაზაში, როდესაც ყველა დაინფიცირებულის კონტაქტი იყო იდენტიფიცირებული და გამოკვლეული.

ახლა, როსდესაც დაიწყო შიდა გავრცელება და უკვე რიგ შემთხვევაში პაციენტი ავადდება ისე, რომ ვერ ასახელებს, თუ ვისგან შეიძლება დაინფიცირებულიყო, შეიცვალა მნიშვნელოვანწილად ეს პროტოკოლი.

სამი პაკეტი შეიქმნა ახალ ალგორითმში: პირველი დარჩა უცვლელი, ანუ ის პირები, ვინც აქამდე ექვემდებარებოდნენ ტესტირებას, კვლავ ექვემდებარებიან მას.

ამას დაემატა მეორე პაკეტი
- უსიმპტომო პირები, მაგრამ რისკის ქცევებით, მაგალითად, პიროვნებას არ აქვს სიმპტომები, მაგრამ ის ასახელებს, რომ იმოგზაურა იტალიაში ან უმასპინძლა იტალიელ სტუმრებს ან იყო კონტაქტში ავადმყოფებთან. ეს პიროვნებაც ამიერიდან ექვემდებარება გამოკვლევას.

მესამე პაკეტი, ვისაც სიმპტომები აქვს, მაგრამ რისკის ფაქტორები არა. ახველებს, აქვს ტემპერატურის მომატება, ყელის ტკივილი, მაგრამ არსად უმოგზაურია და არც სავარაუდო ავადმყოფთან ყოფილა - ამ ადამიანების გამოკვლევაც მოხდება,“-განაცხადა თენგიზ ცერცვაძემ.
იხილეთ სია, სადაც აღნიშნულია, თუ სად მოეწყობა "ცხეების კლინიკები". ასევე, სამინისტროს ინფორმაციით, ცხრილში თბილისი აღნიშნული არ არის, რადგან ინფექციური პროფილის კლინიკები ისედაც იღებენ ცხელების მქონე პაციენტებს.
ცხელების კლინიკების მისამართები
548
ბეჭდვა
მოგვწერეთ თქვენი შეკითხვები და მოსაზრებები
კომენტარები (0)
კომენტარი ჯერ არ გაკეთებულა
მსგავსი სიახლეები

გამოკითხვა
რომელია თქვენი ბავშვის საყვარელი მულტფილმი?