ეს პატარა ბიჭი, 2 წლის გაბრიელ კურკუმულია, ყაზბეგის რაიონის სოფელ ყანობიდან. 4-შვილიან ოჯახში გაბრიელი მეოთხე ბიჭია, ყველაზე პატარა. როგორც ჩანს, ძალიან მოიწყინა კარანტინში, მეზობლები და მეგობრები მოენატრა და გაქცევა დაგეგმა. თუმცა მიზანი ბოლომდე ვერ შეასრულა - ჭიშკრის ქვემოდან გამომძვრალს გარეთ მეზობელი დახვდა და ჯერ ვიდეო გადაუღო, მერე კი უკანაც დააბრუნა.
როგორც პატარა გაბრიელის მამა, მესაზღვრე ავთო კურკუმული გვიყვება, მსგავსი მეთოდებით სახლიდან გასვლაში შუათანა ძმამ - ელისემ გაწვრთნა - ფანჯრიდან გადიპარებოდა და გაბრიელსაც გაიყოლებდაო.
გაბრიელის დედა ნანა ნოზაძე ბაღის მასწავლებელია. მისი თქმით, ძალიან უჭირს გაბრიელს სახლში ყოფნა:
- დღესაც პატარა სკამი მიჰქონდა ერობაში (სოფლის თავშეყრის ადგილას) და კარების ხმაზე გავიქეცი, ძლივს შემივიყვანე. ღამეც გარეთ უნდა. რომ არ ვუშვებთ, მერე იწყებს ფიქრს, როგორ გაიპაროს.
2 წლის გაბრიელი კარანტინიდან გარბის - მხიარული ვიდეო ყაზბეგიდან
sponsored by ContentRoom
მსგავსი სიახლეები
გამოკითხვა
ყველაზე კითხვადი
რედაქტორის რჩევით
24.04.2018
14.08.2017
