ვინ არის მე-15 პაციენტი, რომელიც კორონავირუსისგან გარდაიცვალა
ვინ არის მე-15 პაციენტი, რომელიც კორონავირუსისგან გარდაიცვალა


ამირან გამყრელიძის განცხადებით, კორონავირუსით გარდაცვლილი მე-15 პაციენტი 82 წლის მამაკაცია, რომელიც ერთ-ერთი მეზობელი ქვეყნიდან შემოვიდა
საქართველოში კორონავირუსით გარდაცვლილი მე-15 პაციენტი 82 წლის მამაკაცია. ამის შესახებ “ინტერპრესნიუსს” დაავადებათა კონტროლის ეროვნული ცენტრის დირექტორმა ამირან გამყრელიძემ განუცხადა.

მისი თქმით, გარდაცვლილი ერთ-ერთი მეზობელი ქვეყნიდან შემოსული საქართველოს მოქალაქეა. როგორც გამყრელიძე ამბობს, პაციენტის მდგომარეობა თავიდანვე მძიმე იყო და მას მრავლობითი თანმხლები დაავადებები ჰქონდა. მისივე ინფორმაციით, მამაკაცი უკანასკნელი ორი კვირის განმავლობაში ხელოვნურ ვენტილიაციაზე იმყოფებოდა.

საქართველოში ახალი კორონავირუსით მე-15 პაციენტი გარდაიცვალა. შესაბამისი ინფორმაცია მთავრობის მიერ შექმნილ სპეციალურ ვებგვერდზე
stopcov.ge-ზეა განთავსებული.

ამავე მონაცემების თანახმად, საქართველოში კორონავირუსით ინფიცირების შემთხვევათა რაოდენობა 3-ით გაიზარდა და 924 გახდა.

რაც შეეხება გამოჯანმრთელებულთა რიცხვს, ქვეყანაში კორონავირუსისგან კიდევ 4 ადამიანი გამოჯანმრთელდა. შესაბამისად, მათი რაოდენობა 785-ს შეადგენს
2441
ბეჭდვა
მოგვწერეთ თქვენი შეკითხვები და მოსაზრებები
კომენტარები (0)
კომენტარი ჯერ არ გაკეთებულა
მსგავსი სიახლეები

გამოკითხვა
რომელია თქვენი ბავშვის საყვარელი მულტფილმი?
ყველაზე კითხვადი