ინფექციური საავადმყოფოს სამედიცინო დირექტორის, მარინა ეზუგბაიას განცხადებით, კორონავირუსის ახალი 45 შემთხვევიდან 3 პაციენტის ინფიცირების წყარო უცნობია.
მისივე ინფორმაციით, 45 ახალი შემთხვევიდან 23 აჭარას უკავშირდება.
„დაგვემატა 45 ახალი შემთხვევა და გვაქვს 1729 დადასტურებული შემთხვევა. 45 ინფიცირებულიდან 3 არის „დონას“ კლასტერი, 19 არის კონტაქტი დადასტურებულ შემთხვევასთან, 4 არის სამედიცინო პერსონალი „ავერსის“ კლინიკიდან, 4 იმპორტირებულია, ერთი სატვირთო ავტომანქანის მძღოლია, 12 არის აჭარაში მოგზაურობის ისტორიით, 3 ინფიცირებულზე ეპიდკვლევა მიმდინარეობს წყაროს დადგენის და კონტაქტების მოძიების მიზნით. 45 დადასტურებული შემთხვევიდან 23 უკავშირდება აჭარას. 5 ჯგუფური შემთხვევა გვაქვს ამ 45-ში, ჯგუფური გახლავთ ფართომასშტაბიანი ქორწილიდან თბილისში.
გამოჯანმრთელებულების რაოდენობა მხოლოდ 6-ით გაიზარდა და 1321 გახდა. გამოჯანმრთელებულების რაოდენობა 76%-ია“, - განაცხადა ეზუგბაიამ
ისევ გამოცხადდება თუ არა საგანგებო მდგომარეობა საქართველოში, რას ამბობს კორონავირუსის გავრცელების სტატისტიკა და როგორია სახელმწიფოს მზაობა ვირუსის მზარდ შემთხვევებთან გამკლავების თავასაზრისით - ამ კითხვებით AMBEBI.GE -მ სპეციალისტებს მიმართა.
ჯანდაცვის მინისტრის მოადგილის, თამარ გაბუნიას განცხადებით, კორონავირუსის დადასტურებული შემთხვევების მატება არ ნიშნავს სახიფათო გავრცელებას, ახალი ტალღის დაწყებას ან საგანგაშო სურათს. დნობით, საგანგებო მდგომარეობის გამოცხადების ან შეზღუდვების დაწესების საფუძველი არ იკვეთება.
დღეს ქვეყანა კვლავაც რჩება მწვანე ზონაში. ეს გამოითვლება 100 ათას მოსახლეზე ინფექციის გავრცელების მაჩვენებლით. ბოლო ორი კვირის ჯამური მაჩვენებელი, ამ კონკრეტულ შემთხვევაში, არის 7-ი 100 ათას მოსახლეზე. ათის ჩათვლით ეს ითვლება რომ არის მწვანე ზონა, იმ მოდელში, რომელიც ჩვენ დღეს გვინდა საბჭოს გავუზიაროთ, ყვითელი ზონა არის 100 ათას მოსახლეზე 10-30 შემთხვევამდე, 30 შემთხვევის ზემოთ უკვე იგულისხმება წითელი ზონა." - განაცხადა გაბუნიამ.