"ვცდილობ, უკეთესი ვიყო, იმიტომ, რომ მჯერა, ყველა წინ გადადგმული ნაბიჯი შენ გამხნევებს" - გიორგი სუხიტაშვილის ემოციური წერილი დედას
"ვცდილობ, უკეთესი ვიყო, იმიტომ, რომ მჯერა, ყველა წინ გადადგმული ნაბიჯი შენ გამხნევებს" - გიორგი სუხიტაშვილის ემოციური წერილი დედას
მომღერალი გიორგი სუხიტაშვილი ემოციურად ულოცავს დედას დაბადების დღეს:

"თუ ვინმე მკითხავს, ერთი სურვილი რომ გქონდეს, რას ისირვებდიო, დაუფიქრებლად ვეტყოდი, დედაჩემის კარგად ყოფნას-თქო, რადგან ბოლო ორი წლის მანძილზე ხშირად მიოცნებია ასეთი შესაძლებლობის ქონაზე. ვიცი, ყველას გვიყვარს დედა და ყველას გვირჩევნია, ამიტომ აქ ამის მტკიცებას არ დავიწყებ. პირველი ვინც მახსენდება, როცა რამე მაწუხებს ან მტკივა ან რამე მადარდებს, ეს დედაჩემია. ასე მოხდა ბავშვობიდან, ყოველთვის ის იბრძოდა და იბრძვის იმისთვის, რომ ჩვენ კარგად ვიყოთ. არაფერი ისე ძნელი არ არის, როგორც იმაზე ფიქრი, რომ
დედას რაღაცა აწუხებს. ჩემთვის მაგალითია გამძლეობის, ამტანობის, სიმამაცის, მოთმინების და შეუდარებელი ბრძოლისუნარიანობის.
მეამაყება, რომ ასეთი მყავს. არაფერი იმაზე მეტად არ მაძლიერებს, როცა ვიცი, რომ დედას სასწაულის გაკეთება შეუძლია და ამას ყოველდღე ამტკიცებს. ორი წლის წინ ვერც დავიჯერებდი, თუ დამოუკიდებლად გაივლიდი, მაგრამ შენ შეძელი და ისევ ფეხზე დგახარ, კარზე ზარს რომ ვრეკავ, ნაბიჯებზე გცონობ, როგორ მოდიხარ, ყველა ეს შეგრძნება მახარებს და მაბედნიერებს.

დედი, გილოცავ დაბადების დღეს. ზუსტად 18 სექტემბერს ვიბადები მეც, იმიტომ, რომ ჩემი მთავარი იმედი და ნუგეში ხარ ყოველთვის და ყველგან. ვცდილობ, სულ ვცდილობ უკეთესი ვიყო, იმიტომ რომ მჯერა, ყველა წინ გადადგმული ნაბიჯი შენ გამხნევებს და გაბედნიერებს, ამაზე დიდი სტიმული
არაფერია. დედი მიყვარხარ მხოლოდ იმიტომ არა რომ დედა ხარ. იმიტომ რომ სამაგალითო და ჩემი ყოჩაღი გოგო ხარ!
მუდამ ახალგაზრდა. ჩემთვის ასაკი არასოდეს არ გექნება, ისევ ის ცქრიალა, ხალასი, მშრომელი, მზრუნველი და მოამაგე ხარ.
მიყვარხარ".
1684
ბეჭდვა
მოგვწერეთ თქვენი შეკითხვები და მოსაზრებები
კომენტარები (1)
ნინო
0
შენაირი შვილი რომ ყავს იმ დედამ ასი წელი უნდა იცოცხლოს ,ღმერთმა დაგლოცოს
21:25 / 20-09-2020
მსგავსი სიახლეები