- "შემოყვანისთანავე მძიმედ იყო, ჰქონდა ქრინიკული დაავადებებიც"
ბოლო დღე-ღამეში გარდაცვლილი 15 პაციენტიდან ყველაზე ახალგაზრდა 40 წლის ქალია. პაციენტი ბათუმის სამედიცინო ცენტრში 18 ოქტომბერს შეიყვანეს და მეორე დღეს გარდაიცვალა. როგორც ბათუმის სამედიცინო ცენტრში AMBEBI.GE-ს განუცხადეს, გარდაცვლილ ქალს კორონავირუსით გამოწვეული პრობლემების გარდა ქრინიკული დაავადებებიც ჰქონდა.
"პაციენტი შემოყვანისთანავე მძიმედ იყო. აღენიშნებოდა ორმხრივი პნევმონია, სუნთქვის მწვავე უკმარისობა. გარდა ამისა, ჰქონდა შაქრიანი დიაბეტი და თანდაყოლილი ცერებრალური დამბლა. შემოიყვანეს 18 ოქტომბერს საღამოს საათებში და 19 ოქტომბერს გარდაიცვალა", - აცხადებენ კლინიკაში.
ბოლო დღე-ღამეში საქართველოში 15 პაციენტი გარდაიცვალა. გარდაცვლილთა საერთო რაოდენობა 158-მდე გაიზარდა.