ზურაბ ჯაფარიძე, პოლიტიკური პარტია "გირჩის" ხელმძღვანელი სოციალურ ქსელში წერს, რომ მის შვილს კორონავირუსი დაუდასტურდა:
"კოსტას, უმცროს შვილს, მოუვიდა დადებითი პასუხი კოვიდ-ტესტზე.
მაღალი სიცხე ჰქონდა 3 დღე (სხვა არანაირი სიმპტომი არ ჰქონია) და საავადმყოფოში გადავიყვანეთ.
ამჟამად ბევრად უკეთესადაა.
სხვა ოჯახის წევრები კარგად ვართ, მათ შორის ნატა დაიტესტა და უარყოფითი პასუხი მოვიდა.
სამწუხაროდ, ჩემი საჯარო აქტივობები უნდა შევზღუდო.
კამპანიას მხოლოდ ონლაინ რეჟიმში გავაგრძელებ.
31-ში უნდა მოვიგოთ".