"რატომ დაგყავთ შვილი კერძო სკოლაში და არა საჯაროში?" - ეს შეკითხვა ჯანდაცვის მინისტრს ეკატერინე ტიკარაძეს პირდაპირ ეთერში დაუსვეს. მინისტრმა ეს მიზეზი განმარტა:
"ჩემმა ერთმა შვილმა დაამთავრა კერძო სკოლა, მეორე შვილი ახლა სწავლობს კერძო სკოლაში. ეს ჩემს პოზიციასთან კავშირში არ არის. ეს ჩემი, როგორც მოქალაქის გადაწყვეტილებაა და ეს გადაწყვეტილება თანამდებობაზე დანიშვნამდე მივიღე.
ჩემი შვილის სკოლაში გაძლიერებულად ისწავლება პირველი კლასიდან მათემატიკა. ასევე 4 ენა, ეს ორივე საგანი ჩემთვის პრიორიტეტულია და არჩევანიც ამის მიხედვით გავაკეთე. ეს კერძო სკოლა სხვებთან შედარებით საკმაოდ დაბალი ტარიფით გამოირჩევა" - განაცხადა ეკატერინე ტიკარაძემ.