დღეს მთავარ ინტრიგად რჩება ის საკითხი, მართლა წავიდა თუ არა პოლიტიკიდან ბიძინა ივანიშვილი. არსებობს მითქმა-მოთქმა იმასთან დაკავშირებითაც, რომ მათი ოჯახი ტოვებს საქართველოს და საცხოვრებლად საფრანგეთში გადადის, სადაც ბიძინა ივანიშვილს რამდენიმე საცხოვრებელი ბინა აქვს. სულ ახლახან, 18 თებერვალს ბიძინა ივანიშვილს 65 წელი შეუსრულდა.
AMBEBI.GE ეკატერინე ხვედელიძის მეგობარს, ნიკუშა შენგელაიას მეუღლეს ეკა ჭიჭინაძეს ესაუბრა, რომელიც გვეუბნება, რომ ოჯახი საქართველოდან წასვლას არ აპირებს.
- არა, აქ არიან და წასვლას არსად აპირებენ. ბატონი ბიძინას დაბადების დღეზე ვესაუბრე, ორივეს - მასაც და ეკასაც მივულოცე.
- არა, არ ვყოფილვარ, ბატონი ბიძინა დაბადების დღეს არასდროს იხდის.
- კოვიდის გამო ისინი იზოლირებულები არიან, მათ ვერც მე და ვერც ვერავინ ნახულობს. რაც ეს პანდემია დაიწყო, ისინი არ მინახავს. არც მე გავდივარ სახლიდან, ვინაიდან რისკ-ფაქტორ ჯგუფში შევიდვარ. რაღაც პერიოდი, მათ ვერ ვნახავ, თუმცა სულ მაქვს კომუნიკაცია და ვიცი, რომ კარგად არიან. ერთი კვირის წინ, მათი ოჯახი თბილისში იყო. შეიძლება ახლა აბასთუმანში არიან, მაგრამ ვფიქრობ, თბილისში არიან. იცით, არც მიკითხავს, ტელეფონით ამაზე არც ვსაუბრობთ.
- არა, ღმერთო ჩემო, რეებს ბოდავს ეს ხალხი. საფრანგეთში მათ დიდი ხანია სახლიც აქვთ, მიწაც, ქონებაც და აქამდე არ წასულან.