რთული გზა წარმატებისკენ და ოჯახური იდილია - ლაშა შავდათუაშვილის მორიგი ტრიუმფი
რთული გზა წარმატებისკენ და ოჯახური იდილია - ლაშა შავდათუაშვილის მორიგი ტრიუმფი
ქართველმა ძიუდოისტმა ლაშა შავდათუაშვილმა კიდევ ერთი გამარჯვება მოიპოვა - ამჯერად მსოფლიოს ჩემპიონი გახდა. ამ გამარჯვებით ის ერთადერთი ქართველი ძიუდოისტია, რომელსაც სამივე უმაღლესი ტიტული აქვს მოგებული - 2012 - ოლიმპიადა, 2013 - ევროპა, 2021 - მსოფლიო.

ბევრმა არ იცის, რომ ლაშას გზა წარმატებისკენ არც ისე მარტივი იყო.

ლაშა წარმოშობით გორიდან არის. მშობლიური კარალეთის ეკლესიაში წლები სტიქაროსნად იმსახურა. ერთ-ერთ ადრინდელ ინტერვიუში ლაშა ასე იხსენებს ბავშვობას და პირველ მონაწილეობას ოლიმპიადაზე:
"დაახლოებით 11-12 წლისა ვიყავი, როცა გორში ძიუდოზე შევედი ანზორ თენაძესა და ნიკო ბიბილაშვილთან.
თანასოფლელები ჭიდაობდნენ და მეც დამაინტერესა. სხვების მიღწევებს რომ ვუყურებდი, მეც მინდოდა, ისეთივე წარმატებული გავმხდარიყავი, ოლიმპიური ჩემპიონობა კი ჩემი ოცნება იყო. თუ რამეზე ვოცნებობდი, მხოლოდ ამაზე! კერპი არ მყოლია, ვქომაგობდი და მომწონდა ყველა წარმატებული სპორტსმენი.
ბავშვობაში ძიუდოს გარდა სხვა გატაცება არც მქონია. მარტივი ჭეშმარიტებაა - როცა რაღაც საქმეს აირჩევ, დანარჩენი გვერდზე უნდა გადადო და იმას მიუძღვნა ყველაფერი. მეც ასე ვფიქრობდი - რაც შემეძლება, ვივარჯიშებ, ვიმუშავებ და თუ არაფერი გამომივა, ჩემს თავს ვერაფერს დავაბრალებ-მეთქი.

ამისთვის მოვიკელი ყველაფერი და სპორტს მივუძღვენი თავი. მადლობა ღმერთს, უფალმა ნებისყოფა მომცა და შევძელი, ყველაფერი გვერდზე გადამედო.
მწვრთნელებთან ერთად, მიზნის მიღწევაში ოჯახიც ყველანაირად მიწყობდა ხელს იმის მიუხედავად, რომ ეკონომიკურად არ გვილხინდა. ამას ისიც დაემატა, რომ
სახლში ზედმეტი ინდივიდუალური ვარჯიშისგან გადავიღალე და ახალგაზრდებში პირველი სეზონი ჩამივარდა. სწორედ მაშინ იყო, მამაჩემმა ტურნირზე წასასვლელად დიდი წვალებით ფული რომ მისესხა, საჭირო თანხა ძლივს შეაკოწიწა.
mshoblebi
ცნობლი კადრი, რომლითაც ლაშა მსოფლიომ დაიმახსოვრა

ასეთ დროს განსაკუთრებით ძნელია ჭიდაობა - ცალკე შეჯიბრებაზე ფიქრობ, ცალკე - ვალზე. როცა ევროპა და მსოფლიო წავაგე, მეც შემრჩა ის ვალი და უკვე მეორე სეზონზე დავიწყე ფიქრი, ეგებ მაშინ მაინც მოვიგო და გავისტუმრო-მეთქი.
წაგებებთან ერთად ფსიქოლოგიურად ამანაც ცუდად იმოქმედა. მეორე სეზონიც მარცხით დავიწყე - წავაგე ერთ-ერთი შიდა ტურნირი და მაშინ ვფიქრობდი, სხვებშიც თუ დავმარცხდებოდი, თავსაც დავანებებდი ძიუდოს. საბედნიეროდ, მწვრთნელების, ოჯახის დახმარებით, სწორი მკურნალობით კრიზისი დავძლიე და ისევ მოვხვდი ახალგაზრდულ ნაკრებში..."
mshoblebi

ამის შემდეგ ლაშამ ბევრი გამარჯვება მოიპოვა და მალე პირადი ცხოვრებაც მოიწყო.
mshoblebi
მისი მეუღლე სალომე არაბულია. წყვილს ორი ვაჟი ჰყავს.
mshoblebi
2458
ბეჭდვა
მოგვწერეთ თქვენი შეკითხვები და მოსაზრებები
კომენტარები (1)
kaxeli
0
შენ გაიხარე ქართველო!
15:02 / 09-06-2021
მსგავსი სიახლეები