"ყველა ჩემპიონობაზე და მიღწევებზე მაღლა რომ დგას ეს ის გრძნობაა! მადლობა ჩემს მეუღლეს ამ განცდისთვის! დაიბადა ნოე დადიანი", - ასე აცნობა ფეისბუქმეგობრებს ახალი ამბავი გმირმა კაპრალმა თემო დადიანმა. ის და მისი მეუღლე ნინი ოქრომჭედლიძე მშობლები გახდნენ.
ცნობისათვის, თემურ დადიანი ყოფილი სამხედროა, ავღანეთის ომში აქვს მონაწილეობა მიღებული და სწორედ იქ, 2011 წელს ნაღმზე აფეთქების შედეგად დაკარგა ქვედა კიდურები. თუმცა ამის მიუხედავად, ბევრი ადამიანისთვის იქცა არა მხოლოდ გმირობის მაგალითად, არამედ დიდი ნებისყოფისა და მიზანდასახულობის. რეაბილიტაციის შემდეგ ჩაერთო შშმ პირთა სპორტის სახეობებში და შშმ პირთა შორის ევროპის ჩემპიონატის გამარჯვებულია.