5 მეთოდი, როგორ შევაყვაროთ ბავშვს კითხვა და წიგნები მის ცხოვრებაში ჯადოსნური მოვლენად ვაქციოთ
5 მეთოდი, როგორ შევაყვაროთ ბავშვს კითხვა და წიგნები მის ცხოვრებაში ჯადოსნური მოვლენად ვაქციოთ
წიგნი ბავშვისთვის ნებისმიერ ასაკში, საუკეთესო საჩუქარია, მაგრამ როგორ უნდა დააინტერესოთ და შეაყვაროთ პატარას კითხვა? - ამაში ჩვენ დაგეხმარებით და რამდენიმე ძალიან საჭირო რჩევას შემოგთავაზებთ.

1. კითხვის რიტუალი


ალბათ არ არსებობს ადამიანი, ვის განსაკუთრებულ მოგონებებშიც არ ურევია ერთი მოგონება მაინც იმაზე, თუ როგორ უკითხავდა მას წიგნს ოჯახის რომელიმე წევრი ბავშვობაში. თუ ყოველდღიურად, ბავშვისთვის წიგნის წასაკითხად თუნდაც ნახევარ საათს გამოყოფთ, მას არა მარტო კითხვას შეაყვარებთ, არამედ საუკეთესო მოგონებებსაც აჩუქებთ. ყოველ საღამოს, ვახშმის შემდეგ, ან ძილის წინ, ბავშვისთვის წიგნის კითხვა საყვარელ რიტუალად იქცევა.
ეს ხომ ყველაზე ტკბილი მომენტია, როცა დედა ან მამა თავიანთ საქმეებს ივიწყებენ და შვილთან ერთად, ლიტერატურის ჯადოსნურ სამყაროში მოგზაურობენ. როცა ძილის წინ წიგნების კითხვას რეგულარული ხასიათი ექნება, ბავშვს მუდამ ექნება მოლოდინის განცდა, მოისმინოს თავისი საყვარელი გმირების საინტერესო თავგადასავლების გაგრძელება.

2. წიგნი როგორც სიურპრიზი

mshoblebi
პერიოდულად, სამსახურიდან სახლში დაბრუნებისას, მშობლებს შვილებისთვის სიურპრიზი მოაქვთ - ტკბილეული, პატარა სათამაშოები... ასეთი სიურპრიზი შეიძლება წიგნიც გახდეს და ეს ერთგვარ ტრადიციად იქცეს. სასიამოვნო სიახლე, რომელიც ამ იდეის განხორციელებაში დაგეხმარებათ, - ლიტერატურული ყუთი „ლიტბოქსია“, რომლის საიტიდან გამოწერის შემდეგ, ყოველთვე, სახლში მიიღებთ ყუთს, სადაც მოთავსებული იქნება ორი წიგნი და სხვადასხვა საჩუქრები. ამისათვის, თქვენ უნდა დარეგისტრირდეთ litbox.ge-ზე,
აირჩიოთ სასურველი ჟანრი, მაგალითად - საბავშვო ლიტერატურა. შემდეგ, აირჩიოთ სასურველი ასაკი (3-6 წელი; 7-12 წელი; 13+ წელი), გამოიწეროთ „ლიტბოქსი“ თვის 30 რიცხვამდე და დაელოდოთ ამანათს, რომელსაც მითითებულ მისამართზე, მომდევნო თვის 7-10 რიცხვში მიიღებთ. როდესაც გააფორმებთ გამოწერას, „ლიტბოქსს“ ყოველთვიურად მიიღებთ, მაგრამ იმ შემთხვევაში, თუ პირველი ყუთის მიღების შემდგომ მიმდინარე თვის 30 რიცხვამდე გააუქმებთ გამოწერას, შემდეგი თვის „ლიტბოქსს“ აღარ მიიღებთ.
თქვენი პატარასთვის წიგნებს ე.წ. „მრჩევლები“ აარჩევენ, რომლებიც ლიტერატურული წრეების ცნობილი წარმომადგენლები და სხვადასხვა სფეროს სპეციალისტები არიან. მრჩევლები უზრუნველყოფენ, რომ წიგნები არა მარტო საინტერესო, არამედ სასარგებლოც იყოს. მაქსიმალურად მოერგოს პატარა (თუ დიდი) მკითხველის მოთხოვნილებებს და ადრესატზე მაქსიმალური ეფექტი და შთაბეჭდილება მოახდინონ.

3. მიჰყევით ბავშვის ინტერესებს


ნუ მოახვევთ თავზე ბავშვს საკუთარ აზრებს, შეარჩიეთ ისეთი წიგნები, რომლებიც აინტერესებს მას და არა თქვენ გინდათ, რომ წაიკითხოს. ზღაპრები უყვარს? - უყიდეთ ზღაპრები! მომავალ ბიოლოგს ზრდით? - უყიდეთ წიგნები დინოზავრებზე, მწერებზე და ცხოველების ევოლუციებზე. ტექნიკა მოწონს? - შეარჩიეთ წიგნები რობოტებზე და მანქანებზე. მხატვრული ლიტერატურისთვის ის აუცილებლად გაიზრდება!

4. წვდომა საბავშვო წიგნების თაროზე

mshoblebi
კარგი იქნება, თუ საბავშო წიგნებს ღია თაროზე, მის ოთახში, ან ნებისმიერ ადვილად ხელმისაწვდომ ადგილას მოათავსებთ. ადრეულ ასაკში, თაროზე დააწვეთ სქელი მუყაოს ან ნაჭრის წიგნები (ასაკის შესაბამისად); ზღაპრები და საბავშვო ლექსები. ბავშვის ზრდასთან ერთად ცვალეთ წიგნებიც მის თაროზე. მთავარია რომ ის ყოველთვის ხელმისაწვდომი იყოს.

5. განიხილეთ მასთან ერთად წაკითხული წიგნები


გამოიყენეთ ეს მომენტი, რომ ბავშვს წაკითხულ წიგნებზე ესაუბროთ. შეგიძლიათ მოიფიქროთ წიგნის მიხედვით სახალისო თამაშები. მაგალითად, მოიფიქროთ რიგრიგობით ალტერნატიული დასასრული. ამით ბავშვს დაეხმარებით საჭირო უნარების განვითარებაში. ის ადრეული ასაკიდანვე ისწავლის წაკითხულიდან აზრის გამოტანას.
მთავარია, მოთმინებით აღიჭურვოთ და არ ჩავარდეთ პანიკაში, თუ ბავშვი წიგნების მიმართ არ გამოხატავს ინტერესს. სწორი მიდგომით აუცილებლად მიაღწევთ მიზანს!



3305
ბეჭდვა
მოგვწერეთ თქვენი შეკითხვები და მოსაზრებები
კომენტარები (0)
კომენტარი ჯერ არ გაკეთებულა
მსგავსი სიახლეები