ცნობილი მომღერალი მამუკა ონაშვილი ავტოსაგზაო შემთხვევის შედეგად მძიმედ დაშავდა და ამ წუთებში სიცოცხლისთვის იბრძვის. მომხდარის შესახებ სოციალურ ქსელში მომღერლის მეგობარი, ირინა ონაშვილი წერს. "ღმერთო, გადაგვირჩინე ჩვენი ბუთქუჩელა. მამუკა იბრძოლე სიცოცხლისთვის გთხოვ”, - წერს ირინა ონაშვილი. როგორც ირკვევა, შემთხვევა წუხელ მოხდა. მძიმე მდგომარეობაში მყოფი მამუკა ონაშვილი პირველ საუნივერსიტეტო კლინიკაში გადაიყვანეს, სადაც ოპერაცია ჩაუტარდა. იგი ამ დრომდე რეანიმაციულ განყოფილებაში რჩება.