ქართველი ონკოლოგების საგანგებო განცხადება: "მდგომარეობა საგანგაშოა"
ქართველი ონკოლოგების საგანგებო განცხადება: "მდგომარეობა საგანგაშოა"
"საქართველოს ონკოლოგთა ასოცოიაცია" საგანგებო განცხადებას ავრცელებს. გავრცელებულ განცხადებაში ასოციაციის წევრები აღმასრულებელ და საკანონმდებლო ხელისუფლებას თამბაქოს კონტროლის დროულად გამკაცრებისკენ მოუწოდებენ. ასოციაციის მიერ გავრცელებულ განცხადებაში აღნიშნულია, რომ საქართველოში ონკოლოგიური დაავადებები საგანგაშოდ იზრდება, რის გამომწვევ მიზეზად თამბაქოს ასახელებენ.

"მდგომარეობა უკიდურესად კრიტიკულია და ათასობით ჩვენი მოქალაქის სიცოცხლე და ჯანმრთელობა საფრთხის ქვეშ დგას. ამიტომ ვუერთდებით "თამბაქოს კონტროლის ალიანსის" ინიციატივას და მოვითხოვთ პარლამენტმა უახლოეს პერიოდში განიხილოს თამბაქოს კონტროლის კანონმდებლობა, რომლის მიღების შედეგად ყველა
დახურული ტიპის შენობა-ნაგებობაში და ტრანსპორტში აიკრძალება თამბაქოს მოწევა, უარს ვიტყვით თამბაქოს რეკლამასა და პოპულარიზაციაზე, გამარტივდება ადმინისტრირება, გაიზრდება საჯარიმო სანქციები და განხორციელდება მსოფლიოში აპრობირებული ღონისძიებები. მრავალ ქვეყანაში თამბაქოს კონტროლის გამკაცრების შემდეგ ყოველწლიურად სწრაფი ტემპით იკლებს ფილტვის კიბოს სტატისტიკა. საქართველოში კი ონკოლოგიური დაავადებები საგანგაშოდ იზრდება. სიმსივნეს მრავალი მიზეზი იწვევს, მათ შორის თამბაქოს მოხმარება. წელიწადში 10 000-ზე მეტი ადამიანი ნაადრევად გვეღუპება თამბაქოსგან გამოწვეული დაავადებებით. ყოველდღიურად მატულობს თამბაქოთი გამოწვეული სიმსივნეების, განსაკუთრებით ფილტვის კიბოს შემთხვევები. აღნიშნული დაავადებები ახალგაზრდავდება და უკვე ხშირია ქალებს შორის.

ანალოგიური მდგომარეობაა გულსისხლძარღვთა, რესპირაციული, პედიატრიული, რეპროდუქციული და მრავალი სხვა დაავადებების მხრივ. უამრავი პათოლოგიის თავიდან აცილება უფრო იოლად შეიძლება თამბაქოზე კონტროლის გამკაცრებით, ამიტომ ვთხოვთ საკანონმდებლო და აღმასრულებელ ხელისუფლებებს, ნუ
გადადებთ ამ უმნიშვნელოვანესი საკითხის განხილვას და დაუყოვნებლივ მიიღეთ კანონმდებლობა, რომელიც შეამცირებს თამბაქოს მოხმარებას და დაიცავს მისი მომაკვდინებელი ზეგავლენისაგან თაობებს", – აღნიშნულია ონკოლოგთა ასოციაციის მიერ გავრცელებულ განცხადებაში.

83891
ბეჭდვა
მოგვწერეთ თქვენი შეკითხვები და მოსაზრებები
კომენტარები (7)
nino
1
მე აღარ მიკვირს აღარაფერი. კვება და სტრესი-უპირველესია ჯანმრტელობის შენარჩუნებისთვის. შეუმოწმებელი ხორცი და ამ ხორცით დამზადებული გაყინული პილმენი, ხინკალი, ქაბაბი, ბლინი....და ათასი საზიზღრობა. წამლებით გაბერილი ქათმები, პესტიციდებით მოყვანილი ხილ- ბოსტნეული. ჯანსაღად იკვებეთო. მერედა სად იყიდება? ვინ არის პატრონი. ჯარიმა500 ლარი.არც არაფერი >> სემიჩკის
22:46 / 28-12-2016
ნინო
0
განა მარტო თამბაქო? ყოველდღიურად ლუდის გამოყენებით, თუნდაც მცირე დოზით, ალკოჰოლზე დამოკიდებული რომ ხდება მოზარდების 80% მოზრდილებზე რომ არაფერი ვთქვათ, ამაზე რატომ არავინ არაფერს ამბობს?ალკოჰოლი არამხოლოდ ჯანმთელობას ვნებს , სულიერადაც ანადგურებს ადამიანს. ჩვენს ქვეყანას საღად მოაზროვნე თაობა თუ გადაარჩენს. ამას ჩვენ თუ არ მივაქცევთ ყურადღებას, მტერი მით უფრო არ გაგვიზიარებს თავის გამოცდილებას
22:40 / 31-08-2016
მსგავსი სიახლეები
ყველაზე კითხვადი
გამოკითხვა
რომელია თქვენი ბავშვის საყვარელი მულტფილმი?