„ბაღი არ არის ბავშვის თავიდან მოცილების გზა და მითუმეტეს, თავშესაფარი“ - რა დახვდა ბებოს ყველაზე “დალაიქებულ“ ბაღში
„ბაღი არ არის ბავშვის თავიდან მოცილების გზა და მითუმეტეს, თავშესაფარი“ - რა დახვდა ბებოს ყველაზე “დალაიქებულ“ ბაღში
ახლა რაც უნდა გითხრათ, გაბრაზებული დედამთილის პოზიციიდან შორს დგას. ის შეფასება, რაც მე ჩამომიყალიბდა, ნებისმიერ საღად მოაზროვნე ადამიანს შეიძლება ჰქონდეს. ბაშვი ბაღიდან სულ დედას გამოჰყავდა. პატარა დილის 9 საათიდან საღამოს 7 საათამდე ბაღში ატარებდა დროს. ერთხელაც, როცა მე მომიწია შვილიშვილის გამოყვანა, ბრაზი ვერ დავმალე და საკუთარ რძალთან კამათი მომივიდა.
ჩვენი პატარა სამი წლისაა და მშობლებმა გადაწყვიტეს, კერძო ბაღში მიეყვანათ. ძალიან რთული არჩევანის წინაშე დავდექით, რადგან ბავშვების ბაღში მიყვანისას ბევრ სირთულეს ვაწყდებით, მიუხედავად იმისა, რა ხასიათისა და უნარების მატარებელია იგი. მოკლედ,
რძალმა ინტერნეტსივრცეში ქექვის მერე, ყველაზე სასურველ ბაღად, ყველაზე მეტად „დალაიქებული“ დაწესებულება შეარჩია და ჩვენი ოჯახის პატარა წევრი ასე მოხვდა ახალ გარემოში.

აღმოჩნდა, რომ ბაღი საცხოვრებელი კორპუსის მეორე სართულზეა განთავსებული, არ ააქვს ეზო, არ არის უსაფრთხოების ნორმები დაცული. ოთახში, სადაც ბავშვები იმყოფებიან, დაგებულია ხალიჩა - ნამდვილი მტვრის ბუდე. ეზოს ფუნქციას ითავსებს სკვერი, რომელიც კორპუსის უკან, სატრანსპორტო გზის გასწვრივ მდებარეობს და კიდევ ათასი წვრილმანი დეტალი, რომელზეც პირველ რიგში სახელმწიფო უნდა რეაგირებდეს, თუ მშობელის ინტერესი მოიკოჭლებს.

ნამდვილი შოკი იყო ჩემთვის, როცა აღმოვაჩინე, იმ უნიტაზს, რომლითაც ჩემი პატარა და მისი თანატოლები სარგებლობენ, ასევე მოიხმარენ ბაღის ადმინისტრაციის წევრები და აღმზრდელები. როგორც ჩანს ამ უხერხულოობაზე ბაღის ადმინისტრაციამაც იზრუნა და მშობლების თვალის
ასახვევად თქვა, რომ უფროსებისთვის სხვა საპირფარეშოც არსებობს, თუმცა ბავშვებს რას გამოაპარებ, ძალიან კარგი ინფორმატორები არიან და ჩემმა პატარამ თქვა, როგორ გაეპარა ფისები, იმიტომ რომ საჭირო ოთახში იმ მომენტში ბაღის მასწავლებელი იმყოფებოდა.
კითხვაზე, თუ რა პრინციპით დათანხმდა ჩემი რძალი ასეთი ტიპის ბაღში ბავშვის ტარებას, მშობლის პოზიციიდან შოკისმომგვრელადაც კი მოგეჩვენებათ - 200 ლარად მეტს რას ითხოვ, მშვენიერი თავშესაფარია. მთავარია, ბავშვი არ ტირის და კარგად ერთობა.
დაე, მიწოდონ ავი დედამთილი, მაინც ვიტყვი, რომ სანამ მშობელს გააზრებული არ ექნება, რომ ბაღი არ არის ბავშვის თავიდან მოცილების გზა და მითუმეტეს, თავშესაფარი, ჩვენს პატარებს დიდხანს მოუწევთ მსგავს პირობებში ყოფნა, მითუმეტეს, როცა სახელმწიფო ნაკლებად უფიქრდება, ვის და რას ანიჭებს საბავშვო ბაღის სტატუსს.


83573
ბეჭდვა
მოგვწერეთ თქვენი შეკითხვები და მოსაზრებები
კომენტარები (20)
თამუნა
2
ძალიან ცუდია რომ ბაღი ვერ აკმაყოფილებს საჭირო მოთხოვნებს, მარა ამ ტექსტის ავტორიც კარგად ავი რომაა რძლისადმი, არაა ეს კარგი
20:19 / 03-09-2020
თეო
8
ისე ლაპარაკობს ეს ქალი თითქოს არ უტარებია თავისი შვილები ბაღში.....ნეტა აცადოთ მშობლებს შვილებს გაზდა და აღზდა ...ყველა დედამთილი ჯერ დედა იყო ასე რომ რძლებზე კომენტარებს შეეშვით და იმაზე იფიქრეთ თქვენ როგორი რძალი იყავით როგორი დედა იყავით და ხართ თუნდაც....იძულებულს ხდით ზოგი დედამთილი რძალს რომ ბაღში ატაროს ბავშვი.რადგან ეხლანდელ დედამთილებს არ შეგიძლიათ ბავშვის სიცელქის ატანა და კივიხართ ბოლო ხმაზე და ამცირებთ რძლებს რომ შვილისთვის ვერ მიუხედიათ...ყველამ თავის თავს მიხედოს....
17:34 / 01-09-2020