"ეჭვი მაქვს, რომ შენი შვილების მამა ვარ" - ხელოვნური განაყოფიერების დრამა
"ეჭვი მაქვს, რომ შენი შვილების მამა ვარ" - ხელოვნური განაყოფიერების დრამა
ახლობელმა ექიმმა მიამბო ერთი დონორის შესახებ, რომელიც მამობრივმა გრძნობებმა ააფორიაქა და მომავალი შვილების დედის მოძებნა აიძულა.

გიორგი და ლევანი სამედიცინო უნივერსიტეტში ერთად სწავლობდნენ. გიორგი ბეჯითი სტუდენტი ყოფილა, ლევანი - გაზულუქებული ბიჭი. გიორგი საუკეთესო ექიმი დადგა, ლევანი მამის სიცოცხლეში არხეინად ცხოვრობდა, მისი სიკვდილის შემდეგ ძალიან გაუჭირდა, თანაც არ მუშაობდა. ერთ დღეს ძველი მეგობრები შემთხვევით შეხვდნენ ერთმანეთს. ლევანმა გული გადაუშალა. გიორგის შეებრალა და უთხრა, - სანამ სამსახურს გიშოვიდე, მანამდე ერთ საქმეს შემოგთავაზებ, თუ არ იუკადრისებო და უამბო, - ჩემი მეგობარი კლინიკას ხელმძღვანელობს,
სადაც ხელოვნური განაყოფიერების ლაბორატორია აქვთ. ამას წინათ ერთი კლიენტი მოუვიდა, 40 წელს მიტანებული ქალია, ლამაზი, უზრუნველყოფილი. უნდა გენეტიკურად ჯანმრთელი, დონორი მამაკაცი, ამაში კი დიდ ფულს იხდის, ოღონდ მოითხოვს, რომ დონორისთვის ინკოგნიტოდ დარჩეს. იქნებ გეცადა, თანაც ახლა უმუშევარი ხარ და ფული ძალიან წაგადგებაო. მეტი რა ჩარა ჰქონდა ლევანს, უცოლშვილოს და უპერსპექტივოს, გაჭირვებას დონორობა ერჩივნა.

ყველაფერი კარგად წარიმართა, ქალი დაორსულდა. ლევანს ცნობისმოყვარეობა კლავდა, ისე უნდოდა გაეგო, ვინ იყო მისი მომავალი შვილის იდუმალი დედა. ამასობაში გიორგიმ სამსახურშიც მოაწყო. ერთი სიტყვით აეწყო ცხოვრება, მაგრამ, მხოლოდ იმაზე ფიქრობდა როგორ დაიბადებოდა მისი შვილი, როგორ დედას უნდა გაეზარდა. ერთ დღესაც
ვეღარ მოითმინა და გიორგის ჰკითხა, ჩემი შვილის ამბავი ხომ არ იცი, გოგოა თუ ბიჭიო. გიორგიმ რეპროდუქტოლოგ მეგობარს დაურეკა. იმან - ლევანის დონორობის შედეგად ქალი ტყუპს ელოდებაო. ლევანი აფორიაქდა. კარგა ხნის მერე გიორგის გაენდო, - იმ ქალზე და ჩემს შვილებზე ფიქრი არ მასვენებს. იქნებ შორიდან მაინც რომ დავინახო, დავმშვიდდეო. გიორგიმ ქვა ააგდო და თავი შეუშვირა, ხომ არ გადაირიე, თუ ქალს არ სურს კაცის ნახვა, გამორიცხულია მის შესახებ ინფორმაცია მიიღოო. რას იზამდა ლევანი, ხელი ჩაიქნია და ბედს შეეგუა.
მერე მისი ცხოვრება უცნაურად წარიმართა. კლინიკის დირექტორს სამსახურში გულის შეტევა დაემართა. ლევანმა უპატრონა - სასწრაფო გამოიძახა და საავადმყოფოშიც გვერდიდან არ მოსცილებია, გვიანღა გაახსენდა, რომ ოჯახისთვის უნდა შეეტყობინებინა.

იხილეთ გაგრძელება
2548
ბეჭდვა
მოგვწერეთ თქვენი შეკითხვები და მოსაზრებები
კომენტარები (0)
კომენტარი ჯერ არ გაკეთებულა

გამოკითხვა
რომელია თქვენი ბავშვის საყვარელი მულტფილმი?
ყველაზე კითხვადი