როგორც კარლსონის გონივრული მცნება ამბობს, რაც არ უნდა გასაკვირი იყოს, პირველი რჩევა, რომელიც ნებისმიერ სიტუაციაში გამოდგება, სიმშვიდეა.
სუპერმარკეტში ქალი იდგა რიგში. მის წინ ბაბუა იყო, ჭირვეულ შვილიშვილთან ერთად. ბიჭს ხელები სავსე ჰქონდა ტკბილეულით. მაგრამ უცებ ყვირილი დაიწყო და დაბლა დაწვა.
- მშვიდად, ცოტა დარჩა, ალექსანდრე... კარგი ბიჭი ხარ.
ცოტა ხნის შემდეგ მან კვლავ დაიწყო ჭირვეულობა. ბაბუამ კი უთხრა:
- ყველაფერი კარგადაა, ალექსანდრე... კიდევ რამდენიმე წუთი მოითმინე და სახლში წავალთ. მოითმინე, ყმაწვილო.
გარკვეული დროის შემდეგ ბავშვი კვლავ გადაიქცა ,,პატარა დემონად“ და უნდოდა კალათიდან პროდუქტების გადაყრა. ბაბუამ კვლავ მშვიდად თქვა:
- დამშვიდდი, ალექსანდრე, კიდევ 5 წუთი და სახლში ვიქნებით.
ქალზე ამ ყველაფერმა ძალიან დიდი შთაბეჭდილება მოახდინა. როდესაც ქუჩაში გავიდა, მაშინვე მივიდა მოხუც მამაკაცთან, რომელიც შვილიშვილთან ერთად უკვე მანქანაში იჯდა და წასასვლელად ემზადებოდა. ქალმა უთხრა:
- ეს, რა თქმა უნდა, ჩემი საქმე არ არის, მაგრამ თქვენი საქციელი უბრალოდ გასაოცარია. თქვენ შეინარჩუნეთ სიმშვიდე მაშინაც კი, როდესაც თქვენი შვილიშვილი ძალიან ცუდად იქცეოდა. ალექსანდრე, შენ ძალიან გაგიმართლა ბაბუაში!
- მადლობა, - უპასუხა ბაბუამ, - მაგრამ, ალექსანდრე მე ვარ. ამ ბიჭს კი მაქსი ჰქვია.