პატრიარქმა თავის ნათლულებს და მათ ოჯახებს ორი დავალება მისცა
პატრიარქმა თავის ნათლულებს და მათ ოჯახებს ორი დავალება მისცა
სრულიად საქართველოს კათოლიკოს-პატრიარქმა, უწმინდესმა და უნეტარესმა ილია მეორემ დღევანდელ ქადაგებაზე მის ნათლულებს და მათ ოჯახებს ორი დავალება მისცა. უწმინდესმა მათ დაავალა, მოძებნონ ისეთი გაჭირვებული ადამიანები , რომლებსაც არ ჰყავთ მომვლელები და მოუარონ, ასევე, დარგონ 7 მარადმწვანე - კედრის ან ნაძვის ნერგი.
"ჩემს ნათლულებს და მათ მშობლებს ეძლევათ ლოცვა-კურთხევა, რომ გამონახონ გაჭირვებული ადამიანები. მრავალი ადამიანია მწოლიარე, მრავალ ადამიანს არ ჰყავს მომვლელი, წყლის მიმწოდებელიც კი. გამონახეთ ასეთი ადამიანები და კვირაში ერთხელ მაინც მიდით და შეძლებისდაგვარად დაეხმარეთ. ეს იქნება საჭმლით, ჩასაცმელით თუ თბილი
სიტყვით", - ბრძანა პატრიარქმა.
უწმინდესის ლოცვა-კურთხევით, პატრიარქის ნათლულებმა და მათი ოჯახის წევრებმა 7 მარადმწვანე ნერგი უნდა დარგან. "მეორე დავალება არის, რომ ჩემი ნათლულების ყველა ოჯახმა დარგოს მათი შვილების საკეთილდღეოდ ხეები. 7 მარადმწვანე ნერგი - კედრის და ნაძვის. ეს ორი დავალება უნდა შეასრულოთ და მადლი ღვთისა და წყალობა ღვთისა უხვად გადმოვა თქვენზე", - ბრძანა პატრიარქმა.

mshoblebi
ილია II-ს დარიგებები ბავშვებს – მშობლებო, მიიტანეთ პატრიარქის სათქმელი შვილებამდე



"ინტერპრესნიუსი"
92042
ბეჭდვა
მოგვწერეთ თქვენი შეკითხვები და მოსაზრებები
კომენტარები (16)
მაია
1
უფალს დიდება დიდხანს გვიცოცხლოს ჩვენი პატრირქი ამინ
13:31 / 20-01-2019
ნათია კაპანაძე
0
დიდხანს გვიცოცხლოს უფალმა ჩვენი სამშობლოს ძვირფასი პატრიარქი და ჩემი შვილის ნათლია. მოწიწებით გილოცავთ ნათლისღების ბრწყინვალე დღესასწაულს.
08:29 / 20-01-2019
მსგავსი სიახლეები
ყველაზე კითხვადი