"არ მინდა მაგ ქვეყანაში დაბრუნება... არც მწერლის სტატუსი მინდა, ვერასოდეს დავწერ „საბასთვის“ მისაღებ ნაწარმოებს.. სამშობლო არ არის მხოლოდ ლამაზი მთები და ლამაზი მინდვრები"
"არ მინდა მაგ ქვეყანაში დაბრუნება... არც მწერლის სტატუსი მინდა, ვერასოდეს დავწერ „საბასთვის“ მისაღებ ნაწარმოებს.. სამშობლო არ არის მხოლოდ ლამაზი მთები და ლამაზი მინდვრები"
ეს ქართველი ემიგრანტი მწერლის, დინა მირცხულავას ემოციური პოსტია, რომელსაც დიდი გამოხმაურება მოჰყვა:

"ძალიან მინდოდა, ჩემს ქვეყანაში მეცხოვრა, ჩემს ქალაქში, ჩემს სოფელში...
არავინ არის ისეთი უბედური და დაუცველი, როგორც სამშობლოს მოწყვეტილი ადამიანი.
არც კი იცით, რას განვიცდით თქვენგან და სამშობლოსგან შორს მყოფნი...
მინდოდა, ჩემთვის მებუბუნა, მევლო სხვადასხვა სკოლაში, შევხვედროდი მოსწავლეებს, ადამიანებს და მეწერა...
მაგრამ წამოვედი იძულებით, არ იფიქროთ, რომ უკეთესი ცხოვრების გამო წამოვედი, არა უბრალოდ ცხოვრების გამო წამოვედი, რადგანაც არანაირი ცხოვრება არ გამაჩნდა იქ...იქ მხოლოდ არსებობისთვის ბრძოლა იყო ყოველდღე.
წამოვედი, რომ
ჩემმა შვილმა ჩემსავით არ იწვალოს.
(იყოს ეს დედობრივი ეგოიზმი)
სამშობლო არ არის მარტო ხე და მდელო.
სამშობლოს შენც უნდა უყვარდე და სჭირდებოდე.
არასოდეს არავის დავჭირდი.
არც ერთ ორგანიზაციას, არც ერთ საჯარო სამსახურს, არც ერთ სკოლას...
პირიქით, რაც გავიზარდე და აზროვნება დავიწყე, ვიბლოკებოდი ყველა სამსახურში.
კარგი ვიყავი, კი, კი, კარგი კადრი ვიყავი, მაგრამ მერე ვიღაც რეკავდა და მე აღარ მირეკავდნენ.
ვმუშაობდი დამლაგებლად.
ვმუშაობდი პურის საცხობში პურის მფუთავად.
ვსწავლობდი პარალელურად.
მაგრამ ცალ ფეხზე ეკიდათ ჩემი ჩათვლის წიგნაკი და დიპლომი.
არასოდეს არ ყოფილა ჩემი ხელფასი 400 ლარზე მეტი (ისწავლე რამდენიც გინდა).
სამაგიეროდ იყო ბებიაჩემის პენსია, რომელიც
მთელი წლის მქონდა გამოტანილი, რომ შვილი სკოლაში გამეშვა...
სამაგიეროდ იყო დევნილების შემწეობა... ისიც მთელი წლის წინასწარ აღებული...

არ მინდა მაგ ქვეყანაში დაბრუნება.
გამოხტება ახლა ვიღაც და დაწერს, ნუ დაბრუნდებიო...
ჰოდა, არ დავბრუნდები!
არ მინდა გუგულების და ენძელების ქვეყანა.
არ მინდა, ვიყო ჟურნალისტი და ჩემი კოლეგები იყვნენ სანაიები, გრიგოლიები და გაბუნიები.
არც მწერლის სტატუსი მინდა, ვერასოდეს დავწერ „საბასთვის“ მისაღებ ნაწარმოებს.
მაგ ქვეყანაში ჩემი ადგილი არაა.
(დიახ, აი, ასე!)
კიდევ ერთხელ, ხაზგასმით - სამშობლო არ არის მხოლოდ ლამაზი მთები და ლამაზი მინდვრები.

პატივისცემით - დინა მირცხულავა"
6405
ბეჭდვა
მოგვწერეთ თქვენი შეკითხვები და მოსაზრებები
კომენტარები (14)
status quo
5
კი,ხილი და მწვანილი გემრიელია საქართველოში,ხალხია ცუდი.
23:23 / 16-06-2020
ტოტო
13
საქართველო არის სამოთხე.აქ ცხოვრობს შესანიშნავი ხალხი. მართალია შედარებით ღარიბი ქვეყანაა,მაგრამ ნორმალური ცხოვრება ნამდვილად შეიძლება. საქართველოში იმუშავებდით დამლაგებლად ? ალბათ არა,ან პურის შემფუთველად ? ალბათ არა. ხოდა ეს ქვეყანა მარტო დროსტარებისათვის არ არის.ძალიან ბევრი შრომაა საჭირი,რომ რაიმე გააკეთო,რაიმეს მიახწიო,ჰოდა ჩვენ ვცდილობთ და ვაკეთებთ.მარტო წყალი და ხილია ისეთი გემრიელი,რომ სხვაგან ვერც ასეთ წყალს დალევ და ვერც ასეთ გემრიელ ხილს ვერ მიირთმევთ... ყველას თავისი გზა აქვს.ქვეყანას ,ქვეყანაზე შეყვარებული ადამიანები ჭირდება და არა "გასტროლიორები".
21:11 / 16-06-2020
მსგავსი სიახლეები

გამოკითხვა
რომელია თქვენი ბავშვის საყვარელი მულტფილმი?