ბავშვებს, რომლებიც კვირაში ერთხელ მაინც მიირთმევენ თევზს, სრულფასოვანი ძილი და მაღალი IQ აქვთ
ბავშვებს, რომლებიც კვირაში ერთხელ მაინც მიირთმევენ თევზს, სრულფასოვანი ძილი და მაღალი IQ აქვთ
ბავშვებს, რომლებიც კვირაში ერთხელ მაინც მიირთმევენ თევზს, ინტელექტის მაღალი კოეფიციენტი და სრულფასოვანი ძილი აქვთ. ასეთია პენსილვანიის უნივერსიტეტის მეცნიერთა კვლევების შედეგი.

ადრე მეცნიერები უკვე ხედავდნენ კავშირს ომეგა-3-სა და უჯერ ცხიმოვან მჟავებს შორის, რომლებსაც თევზის ბევრი სახეობა შეიცავს. თუმცა, ხელახალმა კვლევებმა აჩვენა, რომ სწორედ ძილი არის ის მნიშვნელოვანი რგოლი, რაც თევზსა და ინტელექტს აერთიანებს.

მეცნიერებმა გამოიკვლიეს იმ ცხიმოვანი მჟავების ზემოქმედება, რაც თევზშია წარმოდგენილი და არა იმ ცხიმებისა, რომლებიც კვებით დანამატებსა და ვიტამინებში იყო. კვლევის ავტორებმა გამოკითხეს 9-11 წლამდე ასაკის 541 ჩინელი ბავშვი
(54% ბიჭები და 46% გოგონები). ხშირად იყენებდნენ თუ არა რაციონში თევზის პროდუქტებს. პასუხები მერყეობდა "არასოდეს" და "კვირაში ერთხელ"-ს შორის. შემდეგ მათ ჩაუტარეს ტესტირება ვაქსლერის ტესტით, რომელიც ითვალისწინებდა სალაპარაკო და არასალაპარაკო უნარებს, სალაპარაკო მარაგსა და კოდირებას. ამის შემდეგ, მონაწილეების მშობლები გამოკითხეს, თუ რა ხანგრძლივობისა და ხარისხის ძილი ჰქონდათ მათ შვილებს. მეცნიერებმა გაითვალისწინეს ოჯახების დემოგრაფიული მდგომარეობა, მშობლების განათლება, მათი საქმიანობა და ოჯახში ბავშვების რაოდენობა.


რამდენი ხორცი და თევზი ჰყოფნის ბავშვს დღეში - ასაკისა და დოზის მითითებით

მიღებული ინფორმაციის გაანალიზების შემდგომ აღმოაჩინეს, რომ ბავშვებს, რომელთა კვების რაციონში კვირაში ერთხელ შედიოდა თევზი, ინტელექტის დონე 4,8 ქულით მაღალი
ჰქონდათ, ვიდრე მათ, ვინც იშვიათად ან საერთოდ არ იღებდა ამ პროდუქტს. ასეთივე შედეგი იყო ძილის ხარისხსა და ხანგრძლივობასთან დაკავშირებით. როგორც ცნობილია, მკვეთრი სუნის გამო თევზი ბევრ ბავშვს არ უყვარს, მათ შორის უფროსებსაც. მეცნიერები ამბობენ, რომ თუ ბავშვის რაციონში ადრეული ასაკიდანვე შევიტანთ თევზს, უფრო ადვილად მიეჩვევა და შეუყვარდება მისი განსხვავებული გემო და სუნი.
ტეგები: ომეგა3 თევზი
12773
ბეჭდვა
მოგვწერეთ თქვენი შეკითხვები და მოსაზრებები
კომენტარები (0)
კომენტარი ჯერ არ გაკეთებულა
კატეგორიით მსგავსი სიახლეები
გამოკითხვა
ახერხებთ თუ არა დასასვენებლად ბავშვების წაყვანას, ხართ თუ არა კმაყოფილი და რა თანხა გიჯდებათ ეს დაახლოებით?