გამაოგნებელი ფაქტები - როგორ გვიყალბებენ პროდუქტებს
გამაოგნებელი ფაქტები - როგორ გვიყალბებენ პროდუქტებს
დედამიწის მოსახლეობის მოთხოვნილება საკვებზე დღითიდღე იზრდება. ამის პასუხად მსოფლიო კვების ინდუსტრია ახალ-ახალი ფალსიფიკაციას მიმართავს და კარგად ნაცნობი, მადისაღმძვრელი პროდუქტების სახით ათასგვარ საშინელებას საკვებად ასაღებს.
წარმოგიდგენთ ყველაზე გავრცელებულ ფალსიფიკაციებს, რომლებსაც თითქმის ყოველდღე მივირთმევთ.

არაჟანი - ნამდვილი სიყალბე
ყველაზე პოპულარულია რძემჟავა პროდუქტებს შორის. ის გარეგნულადაც და გემოთიც მართლაც ჰგავს არაჟანს. სინამდვილეში ცხოველური ცხიმი მცენარეულითაა შეცვლილი, რძის ცილა - სოიოთი, ეს უკანასკნელი კი გენური ინჟინერიიით არის მიღებული. ბოლოს ხელოვნური არომატიზატორი ემატება და  გასაყიდად მზად არის. არაჟანი ძალიან სასარგებლოა, ადვილად შეითვისება ორგანიზმში მაგრამ ეს
ეხება ნამდვილ არაჟანს, რომელსაც ამზადებენ კლასიკური მეთოდით.
როგორ შევამოწმოთ პროდუქტის ნატურალურობა?
შემოწმება ძალიან მარტივია. აიღეთ ერთი ჩაის კოვზი არაჟანი და ჩადეთ 1 ჭიქა მდუღარე წყალში. ნამდვილი არაჟანი მთლიანად გაიხსნება, ხოლო სხვა დანარჩენი დაილექება ჭიქის ფსკერზე.

ხიზილალა
დღეს ეს იოდით მდიდარი დელიკატესი, მაღალი ფასის გამო ყველასათვის ხელმისაწვდომი არ არის. თუ ხიზილალას აქვს თევზი გემო, მარცვლები სწორი ფორმისაა და ფერის, ეს არ ამტკიცებს მის ნატურალურობას. ნატურალური ხიზილალა ხელის მოჭერით უნდა სკდებოდეს და ოდნავ მომწარო გემო ჰქონდეს. მარცვლები უნდა იყოს მთელი, სითხე კი ძალიან ცოტა. თუ მარილი საგრძნობლად ნაკლები აქვს, ის ვერ გასტანს რეალიზაციის დრომდე. ხიზილალას ვადა სულ 3 დღე აქვს. ამიტომაც მწარმოებელი ამატებს კონსერვანტებს, რათა რეალიზაციის დრო
გახანგრძლივდეს. საუკეთესო ხიზილალა დაფასოებულია ქილებში ივლისიდან სექტემბრის ჩათვლით. ამ პერიოდში სარწმუნოა, რომ მწარმოებელმა გამოიყენა კონსერვანტების მინიმუმი.
როგორ ამოვიცნოთ ნატურალური ხიზილალა?
თუ ადუღებულ წყალში ჩავდებთ 1 კოვზ ხიზილალას, ნამდვილი ხიზილალის შემთხვევაში ცილა დაიწყებს ტრიალს და დატოვებს თეთრ ფენას, თვითონ მარცვლები დაჩება შეუცვლელი. ხელოვნური მარცვლები კი მდუღარეში ნელ-ნელა გაიხსნება.

კონსერვები
თუ მწარმოებელი კონსერვის დამზადების დროს გამოიყენებს მეტ სოუსს, ის ნამდვილად აკეთებს ეკონომიას. თევზში უმატებენ მოცულობის მოსამატებელს. კონსერვანტად იყენებენ სორბინის მჟავას. კონსერვანტების გამოყენება ჯერ კიდევ შორეულ წარსულში დაიწყეს. ადამიანს ყოველთვის უნდოდა გაეხანგრძლივებინა პროდუქტის ვარგისიანობა. ამისათვის იყენებდნენ მარილს, თაფლს, ღვინოს. მოგვიანებით დაუმატეს ღვინის ძმარი, ეთილის სპირტი და ეთერზეთები. ყველაფერი იქნებოდა კარგად, რომ არა სინთეტიკური კონსერვანტები. მათი "წყალობით" იზრდება შენახვის ვადა, ფერი და სუნი. ასევე შეიძლება გამოიწვიოს კუჭის გაღიზიანება, არტერიული წნევის ცვლილება და სიმსივნეც კი.

კრაბის ჩხირები
თუ ვიმსჯელებთ დასახელებით - იგი დელიკატესია. დიდი ხანია მომხმარებელმა იცის, რომ კრაბის ჩხირებში არანაირი კრაბი არ არის. მაგრამ ცოტამ თუ იცის, რომ მასში თევზიც კი არ შედის. შეფუთვაზე მითითებულია, რომ იგი შეიცავს სახამებელს, საღებავს, კონსერვანტებს და სურიმს (თევზის ფარშს), ამ უკანასკნელში კი თევზის შემცველობა შეადგენს 10%-ს. ექსპერტებმა ვერ შეძლეს ამოეცნოთ ის ნივთიერება, რომელიც დანარჩენ 90%-ს შეადგენს. დასკვნა ასეთია: პროდუქტი გაურკვეველი შემადგენლობისაა, მისი მოხმარება არა მარტო არ არის რეკომენდებული, არამედ სასტიკად აკრძალულია!

შებოლილი თევზი მომზადების „საიდუმლო“ რეცეპტი
შებოლილ თევზს თხევადი ბოლით, უძლიერესი კარცენოგენით ამზადებენ. იგი აკრძალულია მსოფლიოს ბევრ ქვეყანაში. წარმოების ტექნოლოგია საიდუმლოა. თევზის სწრაფი შებოლვა ახლა არ არის პრობლემა, აღარ არის საჭირო სპეციალური შესაბოლი დანადგარები, ყველაფერი ძალიან მარტივია: ნახევარ ლიტრ წყალს დამატებული 2 სუფრის კოვზი მარილი და 50 გრ. თხევადი ბოლი. ჩაალბობენ თევზს ამ სითხეში და მაცივარში აჩერებენ 2 დღეღამე. პროდუქტი მზადაა სარეალიზაციოდ. მაგრამ სადაა თერმული დამუშავება, რომელმაც უნდა მოკლას ბოტულიზმი, ქოლერა, სალმონელა, სტაფილოკოკი და ყველა შესაძლო პარაზიტი? აი, ასეთი პარაზიტებით “დასაჩუქრებულ“ თევზს გვთავაზობს მწარმოებელი. დასკვნა ერთია: გინდათ იცოცხლოთ? - არ მიირთვათ ასეთი შებოლილი თევზი.
როგორ განვსხვავოთ კეთილსინდისიერად შებოლილი პროდუქტი ფალსიფიცირებულისგან? თევზი, რომელსაც გვთავაზობს კეთილსინდისიერი მწარმოებელი, ასე გამოიყურება: შუაზე გაჭრისას მოყვითალო ელფერი დაკრავს, ხოლო კუჭის ადგილას დაგროვილი ცხიმი ასეთივე შეფერილობისაა. შეღებილი თევზის გაჭრისას ფერიც შეცვლილია და ცხიმიც არსად ჩანს. ამიტომ შეძენის დროს მოითხოვეთ თევზის გაჭრა. ყურადღება მიაქციეთ შებოლვის თარიღს, რადგან არასწორ შენახვის პირობებში იზრდება საშიში ბაქტერიების გამრავლების ალბათობა.

სტეიკი
სპეციალური წებოს დახმარებით, ხორცის ნარჩენებისაგან შეიძლება ერთი დიდი და მიმზიდველი სტეიკი დამზადდეს.
ნივთიერებას, რომელიც აწებებს ხორცის ნაჭრებს, „ტრანსგლუტამინაზა" ჰქვია ან უბრალოდ „ხორცის წებო“. ხორცის წარმოებაში ყოველთვის რჩება უამრავი ხორცის ნაჭერი, რომელიც მხოლოდ ცხოველების საკვებად თუ გამოდგება. “ტრანსგლუტამინაზას“ „წყალობით“ შეიძლება ნებისმიერი ხორცის ნარჩენის „შეწებება“ და ფინანსური დანაკარგის თავიდან აცილება. მომხმარებელი კი ნამდვილად ვერ გაარჩევს ასეთ „მოზაიკას“ ჩვეულებრივი ხორცის ნაჭრისაგან.

ზეითუნის ზეთი
იტალიური მაფია ზეითუნის ზეთის ფალსიფიკაციითაა დაკავებული. ცოტა უცნაურად ჟღერს, მაგრამ ზეითუნის ზეთის ფალსიფიკაცია - იტალიური მაფიის ერთ-ერთი ყველაზე მომგებიანი ბიზნესია. მომხმარებლისთვის ეს ნიშნავს იმას, რომ უმეტესობა ზეთისა ბაზარზე ან ძალიან გაზავებულია იაფი და უხარისხო ზეთით, ან წარმოადგენს სრულ იმიტაციას. ზეთი, რომელიც იყიდება დღეს ბაზარზე მაღალხარისხიანი ზეითუნის ზეთის სახელწოდებით - მინიმუმ 80% შეადგენს იაფ მცენარეულ ზეთს ტუნისიდან, მაროკოდან, საბერძნეთიდან და ესპანეთიდან. არანაირი სარგებლობა ასეთ პროდუქტს, რა თქმა უნდა, არ აქვს.

ასევე თაფლის და სოიოს დიდი ნაწილი მაღაზიებში, ყალბია. ორაგულს ხშირად ღებავენ ვარდისფრად. ძეხვისა და სოსისის გაყალბებაზე ასევე რა ხანია წერენ და ესეც არ არის ახალი...
ეს სია ძალიან შორს წაგვიყვანს. როგორ უნდა მოვიქცეთ? მაქსიმალურად ყურადღებით უნდა დავაკვირდეთ ეტიკეტს, ვადებს, შეფუთვას, შემადგენლობას, მწარმოებელ ფირმას და ვენდოთ ასევე საკუთარ ინტუიციას - ცოტათიც თუ შეგეპარათ რამეში ეჭვი, ნუ იყიდით ასეთ პროდუქტს.
28496
ბეჭდვა
მოგვწერეთ თქვენი შეკითხვები და მოსაზრებები
კომენტარები (9)
მოტყუებული
0
შევამოწმე არაჟანი "ქობულეთური",რომელსაც ხშირად ვყიდულობ,წყალში გაიხსნა კი არა სულ კვანძებად შეიკრა.აღარ ვიყიდი,თქვენც იგივეს გირჩევთ
22:56 / 11-02-2016
nona
0
თუ გახსოვთ რაისა გორბაჩოვამ რომ თქვა საქართველო ქართველების გარეშეო, ჩვენი მთავრობა ზუსტაგ მაგას აკეთებს. შეიძლება ამდენი უვარგისი პროდუქტის გაყიდვა? გაივსო საავადმყოფოები ონკოავადმყოფებით...
13:36 / 10-05-2015
მსგავსი სიახლეები