"ასე თითქმის აღარავინ აკეთებს საცივს... დავიწყებას მიეცა ეს რეცეპტი" - საცივის უძველესი რეცეპტი სამეგრელოდან
"ასე თითქმის აღარავინ აკეთებს საცივს... დავიწყებას მიეცა ეს რეცეპტი" - საცივის უძველესი რეცეპტი სამეგრელოდან
წინა საახალწლო პერიოდში დიასახლისების განხილვის ერთ-ერთი მთავარი თემა სადღესასწაულო კერძებია. ყველაზე აქტიურად კი საცივის რეცეპტებს ეხმაურებიან სოციალურ ქსელში. განსაკუთრებით ცხარე კამათი ჩაღდება საცივის ადუღება-არადუღებასთან დაკავშირებით. ცოტა ხნის წინ ერთ-ერთმა მეგრელმა დიასახლისმა სამეგრელოში გავრცელებული საცივის რეცეპტი გაგვანდო, რომელიც არ დუღდება.

ამჯერად ჩვენმა ერთ-ერთმა მკითხველმა, მარინა დარასელიამ მეგრული საცივის ძველი რეცეპტი გამოაქვეყნა, რომელსაც ასევე გთავაზობთ. ამჯერად საცივი დუღდება, თუმცა რაღაც ნიუანსები განსხვავებული აქვს.
" დიასახლისებო, საცივი ქართულია
და ყველა კუთხე თავისებურად კმაზავს და ამზადებს. არ იჩხუბოთ და არავინ მიითვისოს ჩემია ნამდვილიო.
მეც მეგრელი ვარ და მინდა გითხრათ:
მეგრელები ძველად სამეგრელოში საცივს სულ სხვანაირად ამზადებდნენ. ახლა გააიოლეს და ბაჟეს და საცივს ვერ განასხვავებ. იმასთან არაფერი აქვს საერთო, თითქმის დავიწყებას მიეცა და კამათიც ასე იწყება ...
ძველებური მეგრული სიცივის მომზადებას ინდაურის კისრის და წინა მკერდის არედან იწყებენ--- ცხიმს მოაცილებდნენ და დებდნენ ტაფაზე, ცხიმი რომ გამოუვიდოდა, წვრილად დაჭრილ ხახვს ამ ცხიმში შუშავენ ოქროსფრამდე , შემდეგ ამატებენ წინასწარ ნიგვზიდან გამოხდილ ზეთს ბლომად, მოურევენ და აციებენ. ზეთიდან ცოტას ტოვებდნენ სუფრაზე გატანის წინ მოსასხმელად.

ნიგვზის ზეთის გამოსაყვანად საჭიროა:

  1. 3 -4 კბილი დანაყილი ნიორი
  2. 1 სუგრის .
    კოვზი უცხო სუნელი,
  3. 1 ჩაის კოვზი ხმელი ქინძი
  4. ½ ჩაის კოვზი ყვითელი ყვავილი
  5. 1 სუფრის კოვზი წითელი წიწაკა (გემოვნებით)
ვასხამთ ცოტ- ცოტა ცხელ ბულიონს და ზელვის შედეგად გამოგვყავს ზეთი.
საშუალო ზომის ინდაური ინდაური იხარშება, ამოღების შემდეგ ცხელსვე ეყრება მარილი და ვწვავთ ღუმელში შეწითლებამდე. რომ გაცივდება, ვაცლით ძვლებს და ვჭრით ლამაზად.
დანარჩენი კუთხისგან განსხვავებით, მეგრულ საცივს არ ემატება მიხაკ-დარიჩინი.
გატარებული ნიგოზი, უკვე ზეთ გამოხდილი, გახსენით ინდაურის ბულიონში, დაამატეთ მოშუშული მასა (შეგიძლიათ გაიოლების მიზნით დააბლენდეროთ) და მხოლოდ 5 წუთი წამოადუღებთ, ( თუ არ გინდათ, ნუ აადუღებთ). ამ შემთხვევაში ნიგოზი უნდა გაიხსნას ადუღებულ ცხელ ბულიონში) გააციებთ და უკვე ცივს გემოვნებით დაამატეთ ან გაწურული ლიმონი ან თეთრი ძმარი და მარილი გემოვნებით . ჩაალაგეთ შემწვარი ლამაზად დაჭრილი ინდაურის ნაჭრები. აი ეს არის ძველი მეგრული საცივი" - წერს მარინა დარასელია, რომელსაც ბევრი მკითხველი ეხმაურება.
"ეს ვერსია ძალიან ძველია. მე 62 წლის ვარ, ჩემი ბებიის რეცეპტია, ასე თითქმის აღარავინ აკეთებს. სამწუხაროდ, დავიწყებულია სამეგრელოში" - ნათქვამია ერთ-ერთ კომენტარში.
გადახედეთ საცივის სხვა რეცეპტებს და მასთან დაკავშირებულ რჩევებს, რაც ჩვენს საიტზე სხვადასხვა დროს გამოქვეყნებულა:

altროგორ გამოვხადოთ ნიგვზის ზეთი საცივისა და ბაჟესთვის


altსაცივი რომ არ აიჭრას, არ გამუქდეს და ერთგვაროვანი სტრუქტურა ჰქონდეს - ქართველი დიასახლისების გამოცდილი რჩევები

alt"საცივს ადუღება არ სჭირდება" - მეგრული საცივი გამოცდილი დიასახლისისგან


27538
ბეჭდვა
მოგვწერეთ თქვენი შეკითხვები და მოსაზრებები
კომენტარები (6)
Sofo
0
Namdvili megruli sacivi ar dugdeba. Blendershi gaketebulic fuvdeba ragacnaurad da iseti araa rogorc tradiciulad gaketebuli
18:47 / 22-12-2018
Sofo
1
Dzmari da limoni arasdros gamigia. Wiwakas da xaxvs ki axlac xarshavs dedachemi da dzalian wvril sacershi atarebs.
18:45 / 22-12-2018
მსგავსი სიახლეები
გამოკითხვა
მოახერხეთ თუ არა დასასვენებლად ბავშვების წაყვანა, ხართ თუ არა კმაყოფილი და რა თანხა დაგიჯდათ ეს დაახლოებით?