როგორ მზადდება ძეხვი სახლში - სანდო და გემრიელი ბუტერბროდი მოხარშული ძეხვით - სწრაფი და გემრიელი საუზმეა, რომელიც განსაკუთრებით უყვართ ბავშვებს. ბუტერბროდი შეიძლება სკოლაში წაიღოთ, ექსკურსიაზე, პიკნიკზე. თუმცა მაღაზიაში ნაყიდმა ძეხვმა შეიძლება სარგებლობის მაგივრად ავნოს ბავშვის ორგანიზმს. საბედნიეროდ, გემრიელი მოხარშული ძეხვის მომზადება შეიძლება სახლის პირობებშიც.
შემადგენლობა:
• 1200გრ. ძროხის ხორცი;
• 600 გრ. ღორის ხორცი;
• ½ ჩ.კ. შაქარი;
• ½ ჩ/კ. შავი დაფქული წიწაკა;
• ½ ჭიქა სახამებელი;
• 2 ს/კ. დაფქული ნიორი;
• 50 გრ. მარილი ;
• 400 მლ. წყალი;
• ძეხვის გარეთა გარსი (ოპტიმალური კალიბრი 60 მმ)
მომზადება:
დაჭერით ხორცი, დააყარეთ მარილი, აურიეთ და შედგით თავდახურული მაცივარში დილამდე. მეორე დღეს 4 ჯერ გაატარეთ წვრილ ბადეზე (ხორცსაკეპ მანქანაში). აიღეთ ორი ჭურჭელი და თითოეულში ჩაასხით 100მლ. წყალი. ერთში გახსენით შაქარი, მეორეში - სახამებელი. შეურიეთ ფარში შაქრის, სახამებლის და დარჩენილ 200 მლ. წყალს, დაამატეთ ნიორი და წიწაკა. კარგად შეურიეთ ერთმანეთს ყველა ინგრედიენტი ერთგვაროვანი მასის მიღებამდე. აიღეთ ძეხვის გარსი და მჭიდროდ ჩატენეთ მიღებული მასა. ბოლოები მჭიდროდ მოუკარით ძაფით. გამზადებული ძეხვი ჩამოკიდეთ 2 საათით გრილ ადგილას, რათა უფრო მჭიდრო გახდეს ფარში. შემდეგ 1 საათით ჩამოკიდეთ თბილ ადგილას, რათა კარგად გამოშრეს. შეგიძლიათ შებოლოთ ცხელ ბოლში. ბოლოს ხარშეთ ძეხვი 40- 50 წუთის განმავლობაში 80-85 оС-ზე. მოხარშული ბატონი გააციეთ და შედეთ მაცივარში. სასარგებლო და გემრიელი ძეხვი მზადაა!