17 წლის ქართველ ტოპ-მოდელს მატილდა გვარლიანს უკვე ბევრი იცნობს, არა მხოლოდ ჩვენს ქვეყანაში, არამედ მის ფარგლებს გარეთაც, რადგან მატილდას წარმატებებს შორის არის ყველაზე ცნობილი ბრენდების სარეკლამო კამპანიები და ჩვენებები. 

მატილდა 14 წლის იყო, როცა პოდიუმზე გამოჩნდა და მას მერე ერთ-ერთი ყველაზე წარმატებული და მოთხოვნადი მოდელია.

მატილდას და-ძმა ჰყავს - დავითი და სესილი, რომელთაც ასევე გამორჩეული გარეგნობა აქვთ. ხანდახან მისი ძმა მასთან ერთად მონაწილეობს ფოტოსესიებში, თუმცა სამოდელო სფეროში არ საქმიანობს - ის სამხედროა. 


მათ ფოტოებს ყოველთვის დიდი აჟიოტაჟი მოჰყვება ხოლმე, ამჯერადაც ასე იყო. უამრავი მოწონება და კომენტარი მოჰყვა და-ძმის ფოტოებს.

"სილამაზის ზეიმი", "ქართული გენი" - ამ და ბევრ მსგავს კომენტარს ტოვებენ მატილდას აღტაცებული გამომწერები. 

მატილდა ამბობს, რომ ოჯახი ყოველთვის მხარში უდგას და მის ოცნებას - გამხდარიყო ცნობილი მოდელი, მუდამ ემხრობოდნენ.