14 წლის გოგონა, რომლის დედაც დამლაგებლად მუშაობს, მილიონერი გახდა
14 წლის გოგონა, რომლის დედაც დამლაგებლად მუშაობს, მილიონერი გახდა
ამ გოგონამ წელს პარიზში დიორის შემოდგომა-ზამთრის ჩვენება გახსნა. ეს 14 წლის მოდელი სოფია მეჩეტნერია და ამბობენ, რომ მოდის სამყაროში დიდი მომავალი აქვს. უკვე მილიონიან კონტრაქტსაც მოაწერა ხელი და სავარაუდოდ, მას სულ უფრო და უფრო ხშირად ვიხილავთ რეკლამებსა და პოდიუმებზე.
გოგონა ფართო საზოგადოებამაც შენიშნა და დაიმახსოვრა, რაშიც დიდი წვლილი, მის გარეგნობასთან ერთად, მის ბიოგრაფიას მიუძღვის. მის ამბავს ხშირად ადარებენ კონკიას ამბავს,.
სოფია ისრაელში ცხოვრობს დედასა და ორ დედმამიშვილთან ერთად. მათი სახლი
იმდენად პატარაა, რომ სოფიას თავისი ოთახი არ აქვს. ეგ კი არა, მის საწოლს ერთი ფეხი სულაც მოტეხილი აქვს და სოფია ამბობს, რომ შინ სტუმრების მიყვანა რცხვენია ამის გამო.
დედამისი ყოფილი საბჭოთა კავშირიდან ემიგრირებული ქალბატონია, მარტოხელა დედა, რომელსაც შვილებზე ზრუნვაც მარტო უწევს და საკმაოდ უჭირს. როგორც სოფია ამბობს, დედა ნებისმიერ სამუშაოს ასრულებს ოჯახის სარჩენად - სახლებს ალაგებს, მოხუცებს უვლის, კერავს. სანამ დედა სამუშაოზეა, სოფიას გამოჰყავს ბავშვები სკოლიდან, ამზადებს საჭმელს, რეცხავს, ხანდახან დედასთან ერთად ბინებსაც კი ალაგებს. თუმცა სულ მალე მის ცხოვრებაში ალბათ ყველაფერი შეიცვლება – სოფია ხომ უკვე მაღალანაზღაურებადი მოდელია.
mshoblebi
არადა, ყველაფერი შემთხვევით დაიწყო. ისრაელში ერთ-ერთი სააგენტოს მფლობელმა შემთხვევით შენიშნა და გოგონას ფრანგ აგენტებთან
მოუწყო შეხვედრა. პარიზში, ცნობილ სააგენტო `ვივაში~ გაგზავნეს გასაუბრებაზე, მაგრამ როცა ფრანგმა აგენტმა შეიტყო, რომ ჯერ სრულწლოვანი არ არის, ფოტოსესია გააუქმა. იმედგაცრუებული გოგონა და მისი აგენტი უკვე შინ დაბრუნებაზე ფიქრობდნენ, როცა შემთხვევით "დიორის" საფირმო მაღაზიაში ამავე სამოდელო სახლის ცნობილი დიზაინერი რაფ სიმონსი დაინახეს. აგენტმა იმდენი მოახერხა, რომ სიმონსთან მივიდა და სოფია წარუდგინა. სიმონსმა ჩაინიშნა მისი მონაცემები და რამდენიმე დღეში პირადად ჩაერია საქმეში, რომ სოფია მის ჩვენებაზე გამოსულიყო...
სოფია დიორის სარეკლამო სახეც გახდა და საკმაოდ დიდ ჰონორარებსაც დაჰპირდნენ. ამბობს, რომ ოცნებების ასრულებას დაიწყებს და პირველ რიგში დიდ სახლს იყიდის, მერე კი ალბათ დედას შეაცვლევინებს სამსახურს.

29443
ბეჭდვა
მოგვწერეთ თქვენი შეკითხვები და მოსაზრებები
კომენტარები (4)
Niko
0
მაგისთვის უსროლია ავრორას
00:14 / 23-04-2017
0
წარმატებები სულ
01:24 / 06-12-2015
მსგავსი სიახლეები
ყველაზე კითხვადი
გამოკითხვა
მოახერხეთ თუ არა დასასვენებლად ბავშვების წაყვანა, ხართ თუ არა კმაყოფილი და რა თანხა დაგიჯდათ ეს დაახლოებით?