საქართველოში ახალი კორონავირუსის შესაძლო შემთხვევების გავრცელების პრევენციის მიზნით "ცხელების კლინიკები"იხსნება და ჯანდაცვის სამინისტროს კოორდინაციით შერჩეულ სხვადასხვა კლინიკის ბაზაზე იფუნქციონირებს.
იმ შემთხვევაში თუ კონკრეტული კლინიკის ფარგლებში ვერ ხერხდება "ცხელების ზონის" უსაფრთხოდ მოწყობა, კლინიკამ უნდა უზრუნველყოს პაციენტების დროული გაწერა ან გადაყვანა ისეთ სამედიცინო დაწესებულებაში, რომელიც მზად იქნება ცხელების მქონე პაციენტის მისაღებად.
„ცხელების ზონების"მოწყობის მონიტორინგი ინფექციის კონტროლის კუთხით "სამედიცინო და ფარმაცევტული საქმიანობის რეგულირების სააგენტოს"ევალება. ხოლო, საჭიროების შემთხვევაში პაციენტების ტრანსპორტირებას "საგანგებო სიტუაციების კოორდინაციისა და გადაუდებელი დახმარების ცენტრი"უზრუნველყოფს.
იხილეთ სია, სადაც აღნიშნულია, თუ სად მოეწყობა "ცხელების კლინიკები". ასევე, სამინისტროს ინფორმაციით, ცხრილში თბილისი აღნიშნული არ არის, რადგან ინფექციური პროფილის კლინიკები ისედაც იღებენ ცხელების მქონე პაციენტებს.