გიორგი შაქარაშვილის საეჭვო ვითარებაში გარდაცვალების საქმეზე ყოველდღიურად სულ უფრო მეტი კითხვის ნიშანი ჩნდება. სამართალდამცველებმა საქმეზე დააკავეს 17 პირი, მათ ბრალი ედებათ ჯგუფური ძალადობის ორგანიზებაში, ჯგუფურ ძალადობაში მონაწილეობაში, თავისუფლების უკანონო აღკვეთასა და ორი ან მეტი პირის მიმართ ჯგუფურ ძალადობაში. საგამოძიებო მოქმედებები კვლავ გრძელდება და შესაძლებელია, დამნაშავეთა წრე გაიზარდოს.
გარდაცვლილი ფეხბურთელის ახლო მეგობარი AMBEBI.GE-სთან საუბარში საბედისწერო წვეულების რამდენიმე დეტალზე ამახვილებს ყურადღებას. ჩვენმა რესპონდენტმა ანონიმურად დარჩენა ისურვა, ამიტომ მის ვინაობას არ ვასახელებთ.
- მე და გიორგი დაბადებიდან ერთად მოვდიოდით. ვიყავით უბნელები, ბაღელები და კლასელები. ჩემზე კარგად მას ცოტა თუ იცნობდა... უკონფლიქტო, მხიარული და უზომოდ მოსიყვარულე იყო. არასოდეს არავისთან უჩხუბია და მისგან ელემენტარული წყენაც არავის გვახსოვს.
მისი ოჯახი და ჩვენც, ახლობლები დარწმუნებული ვართ, რომ მოკლულია. ის წყალში არავითარ შემთხვევაში არ გადახტებოდა, ვერც გადავარდებოდა ისე, რომ წყლის ხმა არ გაეგო.
რაც შეეხება მკვლელობის ვერსიებს, რამდენიმეს განვიხილავთ. ერთია, რომ ცემაში შემოაკვდათ და შემდეგ დამალვის მიზნით ჩააგდეს წყალში, ხოლო მეორე ვერსიით, შეიძლება მანქანით გაიტანეს. ბევრი მოტეხილობა აქვს სხეულზე.
ამდენი ერთმანეთისთვის უცნობი ახალგაზრდა რომ არ შეკრებილიყო ერთად, ალბათ ეს ტრაგედია არ მოხდებოდა. ის გოგო, ვისი დაბადების დღეც იყო, დამნაშავე იმაშია, რომ მისთვის სრულიად უცხო ადამიანები დაპატიჟა დაბადების დღეზე. როგორც ვიცი, სრულწლოვანი გახდა, 18 წლის და ერთი მეგობარი რომ დაპატიჟა, უთქვამს ვინც გინდა მოიყვანეო. იმანაც მიიყვანა ძალიან ბევრი უცხო ბიჭი. გიოც არ მეგობრობდა იუბილართან, უბრალოდ ნაცნობები იყვნენ და მეგობრის მეშვეობით აღმოჩნდა წვეულებაზე.
ვერსია, თითქოს ჩხუბი გოგოს გამო მოხდა, ტყუილია. სადღეგრძელოში ნათქვამ ერთ სიტყვას მოჰყვა ყველაფერი თურმე" - გვიყვება შაქარაშვილის მეგობარი 19 წლის გოგონა. განაგრძეთ კითხვა