ხონის მუნიციპალიტეტში, მდინარე ცხენისწყალში 6 წლის ბავშვი დაიკარგა, რომელიც ოჯახის წევრებთან ერთად იმყოფებოდა მდინარის ნაპირზე. სოციალურ ქსელში ამ ამბის შესახებ ბავშვის დედამ, თაკო ოჩიგავამ გამოაქვეყნა პოსტი:
"გთხოვთ დამეხმარეთ დავკარგე შვილი... მდინარე ცხენის წყალზე ბაბუას ჰყავდა თავის და-ძმასთან ერთად, 5 წუთში კი გაქრა. იქნებ ვინმემ რამე დაინახეთ, გთხოვთ, გამწარებული დედა გეხვეწებით, დამეხმარეთ, იქნება ვინმემ სადმე ნახეთ".
როგორც „ინტერპრესნიუსს“ საგანგებო სიტუაციების მართვის სამსახურში განუცხადეს, ადგილზე მაშველები იმყოფებიან და სამძებრო-სამაშველო სამუშაოები ამ დრომდე მიმდინარეობს.
6 წლის ბავშვი, რომელსაც მდინარე ცხენისწყალში ეძებდნენ, გარდაცვლილი იპოვეს