"ლილო არენასთან" მომხდარ ავარიას 17 წლის მარიამ ბადალაშვილი შეეწირა. გარდაცვლილის ახლობლების ინფორმაციით, მარიამი თავის სამ მეგობათან ერთად ქვეითად გადაადგილდებოდა, რა დროსაც მათ ავტომობილი დაეჯახა.
გარდაცვლილი გოგონას ნათესავი სოციალურ ქსელში წერს, რომ მძღოლი, რომელმაც ახალგაზრდის სიცოცხლე იმსხვერპლა, "დრიფტაობდა" და გავრცელებული ცნობები, რომ თითქოს მარიამი თავად "დრიფტაობდა", სიცრუეა.
"აღარ გვყავს ჩვენი ციმციმა ანგელოზი მარიამ ბადალაშვილი, ეს ლამაზი, 17 წლის ანგელოზი გოგონა ჩემი დეიდაშვილის ბავშვია. იგი გუშინ ლილოში ვიღაც 19 წლის ბიჭის თავაშვებულ და თავზეხელაღებულ მანქანით დრაფტაობას შეეწირა. მარიამი და მისი სამი მეგობარი სახლში ბრუნდებოდნენ, ამ დროს გამოვარდა ვიღაც თავზეხელაღებული მძღოლი, დააბზრიალა მანქანა და გოგონებს მთელი ძალით შემოარტყა ავტომობილის უკანა მხარე. ჩვენი მარიამი სასტიკად დალეწა და იგი ადგილზევე გარდაიცვალა. მძიმე მდგომარეობაში არის ის სამი გოგონაც. სჭირდებათ რთული ოპერაციები. ასე მოგვიკლეს ჩვენი გამორჩეული, სიყვარულითა და სითბოთი სავსე მარიამი, რომელსაც მისი კეთილშობილური ბუნებიდან გამომდინარე ციმციმა ანგელოზს ვეძახდით.