"მოსალოდნელია +41 გრადუსი და თბური ტალღა" - გარემოს ეროვნული სააგენტო მოსახლეობას აფრთხილებს - მშობლები

გარემოს ეროვნული სააგენტო მოსალოდნელ ცხელ ამინდებთან დაკავშირებით მოსახლეობას აფრთხილებს.

სააგენტოს ინფორმაციით, მიმდინარე კვირის განმავლობაში საქართველოს ტერიტორიაზე მოსალოდნელია ჰაერის ტემპერატურის მომატება (თბური ტალღა). "ცალკეულ დღეებში, დასავლეთ საქართველოს დაბლობში ჰაერის ტემპერატურამ შესაძლებელია +37, +39◦C, აღმოსავლეთ საქართველოს ბარში +39, +41◦C-ს მიაღწიოს. ქვეყნის მთიან რაიონებში დღის მაქსიმალური ტემპერატურა +33, +38◦C, მაღალმთაში +28, +33◦C მდე მოიმატებს. მოსალოდნელი მაღალი ტემპერატურები სითბური სტრესის, ტყის ხანძრებისა და მყინვარების დნობასთან დაკავშირებული პროცესების გააქტიურების ხელმშემწყობ პირობებს წარმოადგენს."-- ნათქვამია სააგენტოს მიერ გავრცელებულ განცხადებაში.

11:00-დან 20:00 საათამდე ფანჯრები დახურული უნდა იყოს - რით ემუქრება სითბური ტალღები ჩვენი და ჩვენი შვილების ჯანმრთელობას

დაკიდეთ სახლში სველი პირსახოცები, გამორთეთ ელექტრობა... - როგორ ვებრძოლოთ სიცხეს სახლში