"ყველაფერი, რასაც 29 თებერვალს გააკეთებთ, მომავალზე იმოქმედებს" - რა წესები უნდა დავიცვათ ამ დღეს და რას მოვერიდოთ - მშობლები

წელიწადს, რომელშიც ერთით მეტი დღეა, ნაკიან წელიწადს ვეძახით. წელს სწორედ ნაკიანი წელიწადი გვაქვს.

უძველს ადამიანებს სჯეროდათ, რომ ყველაფერი, რაც 29 თებერვალს უკავშირდება, ბედ-იღბალს უწინასწარმეტყველებდა და მომავალთან იყო კავშირში. ამიტომ მას არაერთი აკრძალვა უკავშირდებოდა.

მაგალითად, ძველი გადმოცემების თანახმად, არ შეიძლება 29 თებერვალს დაქორწინდეთ ან განქორწინდეთ, არ უნდა წამოიწყოთ ახალი საქმე, არ შეიძინოთ სახლი და არ მიიყვანოთ შინ შინაური ცხოველი.

რა თქმა უნდა, ხალხურ ცრურწმენებს ბრმად ვერ დაიცავთ, მაგრამ თუ ძველ სიბრძნეს პატივს სცემთ, 29 თებერვალზე რამდენიმე წესი დაგაინტერესებთ და ყოველი შემთხვევისთვის, შეიძლება გაითვალისწინოთ კიდეც.

• თუ 29 თებერვალს თოვს ყველაფერი ნისლმა მოიცვა, ბარაქიანი და მოსავლიანი წელი იქნება.
• ამ დღეს ყველა სიზმარი წინასწარმეტყველურია, ასე რომ კარგი იქნება, საწოლთან სიზმრების დამჭერი ჩამოკიდოთ. დაე, ძილის წინ მხოლოდ სასიამოვნო ფიქრები მოგეძალოთ.

რა არ უნდა გააკეთოთ 29 თებერვალს

• არ დაუშვათ თქვენს სახლში ამ დღეს სტუმარი და ნურც თქვენ წახვალთ. არავითარი შეკრება მეგობრებთან ან ნათესავებთან, რომლებიც მოულოდნელად გატყდებიან თავს. ჯობს, მათ სხვა დღე აირჩიონ სანახავად, წინააღმდეგ შემთხვევაში, ამ სახლის ბინადრები შეიძლება ავდ გახდნენ.
• ნუ აიღებთ რთულ დავალებებს: ჩვენი წინაპრები გვირჩევდნენ, საერთოდ არ გვემუშავა ამ დღეს, მაგრამ თანამედროვე ადამიანს ასეთი ფუფუნების საშუალება არ აქვს. ამიტომ, რუტინული საქმეები აკეთეთ და ახალი ინიციატივების გამოჩენას მოერიდეთ.
• ნუ გახვალთ სახლიდან - თუ გასვლა არ აგცდებათ, ფრთხილად იყავით!

რა უნდა გააკეთოთ 29 თებერვალს

• იზარმაცეთ - თუ შეგიძლიათ არ იმუშაოთ, ნუ იმუშავებთ!
• იძინეთ შუა დღემდე. ითვლება, რომ ყველაზე საშიში დრო დილაა, ამიტომ უმჯობესია შუადღემდე ლოგინში დარჩეთ.

დიდ ბრიტანეთში და ირლანდიაში 29 თებერვალს წმინდა ოსვალდის დღე აღინიშნება. ამ დღეს ქალს შეუძლია რჩეულს დაქორწინება შესთავაზოს და კაცს არ აქვს უფლება, უარი თქვას. ითვლება, რომ შოტლანდიის დედოფალმა მარგარეტმა ეს ტრადიცია 1288 წელს შემოიღო და ამით გაუთხოვარი გოგოების დახმარება სურდა. თუ მამაკაცი უარს იტყოდა ქორწინებაზე, იძულებული იყო, ჯარიმა გადაეხადა.