ცნობილი მილიარდერის სახლიდან გაქცეული  ქალიშვილი ყველაზე ღარიბ უბანში იპოვეს: „მშობლებს და პოლიციას მატრასების ქვეშ ემალებოდა“ - მშობლები

ამერიკელი IT მილიარდერის, მესენჯერ Slack-ის შემქმნელის, სტიუარტ ბატერფილდის 16 წლის ქალიშვილი გაუჩინარდა. ეჭვი თავიდან გაქცევაზე ან გატაცებაზე მიიტანეს, მაგრამ ადგილობრივი პოლიცია რატომღაც არ ჩქარობდა დაკარგული ქალის ძებნას. შედეგად, მდიდარმა მშობლებმა გადაწყვიტეს ძებნა თავად დაეწყოთ.

გაუჩინარებამდე გოგონა ხშირად სტუმრობდა სან-ფრანცისკოს ყველაზე საშიშ უბანს, რომელიც უსახლკაროებითა და ნარკომანებითაა დასახლებული.

16 წლის მინტ ბატერფილდი 21 აპრილს გვიან გაუჩინარდა კალიფორნიის პატარა სანაპირო ქალაქ ბოლინასიდან, სადაც დედასთან ერთად ცხოვრობდა. დედამ პოლიციას გაუჩინარების შესახებ შეატყობინა. ამის შემდეგ კი წერილი იპოვა, რომელშიც მინტი წერდა, რომ ძალიან უყვარდა.

დედა დიდი ხანი ამჩნევდა, რომ მინტის თავს რაღაც ხდებოდა. სწორედ ამიტომ გადავიდა შვილთან ერთად ბოლინასში, სადაც, როგორც Daily Beast-მა იხუმრა, ძროხა მეტია, ვიდრე ხალხი. მას არ მოსწონდა ის ადამიანები, რომლებთანაც მისი ქალიშვილი ურთიერთობდა და ეჭვობდა, რომ ეს კარგად არ დასრულებოდა.

2023 წლის ივლისში, როდესაც მინტი 16 წლის გახდა, პანკ კლუბების ერთგული წევრი გახდა. მან 26 წლის კრისტოფერ "კიო" დიზეფალო გაიცნო, საეჭვო რეპუტაციის ბიჭი სახეზე ტატუთი, რომელიც ფურგონში ცხოვრობდა და ნარკოტიკებს მოიხმარდა. "ის ყოველთვის გაბრუებული იყო რაღაც ნივთიერებით", - განუცხადა მინტის ყოფილმა შეყვარებულმა New York Post-ს.

მინტის მეგობრებზე კიომ საზიზღარი შთაბეჭდილება მოახდინა, თუმცა, მათი თქმით, „მინტი მასში რაღაცას ხედავდა“. შემოდგომისთვის ისიც ნარკომანი გახდა და ტენდერლოინში, სან-ფრანცისკოს ყველაზე სახიფათო უბანში გაუჩინარდა, რომელიც უსახლკაროებითა და ნარკომანებითაა დასახლებულია.

დედის თქმით, ამის შემდეგ მისი ქალიშვილი შეიცვალა. ”ჩემი შვილი ერთ ღამეში სრულიად განსხვავებული ადამიანი გახდა,” - ამბობს ის.

მინტის მშობლებმა კერძო დეტექტივები დაიქირავეს, ცხელი ხაზი აამოქმედეს და ძებნა დაიწყეს. როდესაც ბავშვებს იტაცებენ, პირველი 24 საათი ძალიან მნიშვნელოვანია. კრიმინალისტების თქმით, ამ დროის გასვლის შემდეგ ბავშვის ცოცხლად პოვნის შანსი კლებულობს. .

საფრთხე დიდი იყო, თუნდაც გოგონა საკუთარი სურვილით გაქცეულიყო, რადგან კრიმინალური ექსპერტების თქმით, არსებობენ ე.წ. "რომეო სუტენიორები - კრიმინალებ, რომლებიც შეგნებულად იწყებენ რომანტიკულ ურთიერთობას ახალგაზრდა ქალებთან, რათა ისინი ნარკოტიკების გასაღებასა და პროსტიტუციაში ჩაითრიონ.

ამის მიუხედავად, სამართალდამცავი ორგანოები, მინტის მშობლების თქმით, არ ჩქარობდნენ მის ძებნას. კალიფორნიის მარინის ოლქში, სადაც ის გაუჩინარდა, ძირითადად მდიდარი ხალხი ცხოვრობს, კრიმინალის დონე დაბალია, გატაცებები კი განსაკუთრებული იშვიათობაა. პოლიციამ უბრალოდ არ იცოდა რა უნდა გაეკეთებინა და იმედოვნებდა, რომ გოგონა თავად გამოჩნდებოდა.

საბედნიეროდ, ჩვეულებრივი ადამიანებისგან განსხვავებით, მინტის მშობლებს საკმარისი რესურსი ჰქონდათ, რომ ძებნა საკუთარ ხელში აეღოთ. მშობლებმა და მამინაცვალმა კერძო დეტექტივები დაიქირავეს და უამრავი ადამიანი ჩართეს სამძებრო სამუშაოებში.

დაკარგული გოგონა გაუჩინარებიდან ექვსი დღის შემდეგ იპოვეს.

26 აპრილს, ანუ მინტის გაუჩინარებიდან 5 დღეში, უცნობმა ქალმა ცხელ ხაზზე შეატყობინათ, რომ რომ მსგავსი გოგონა ქუჩაში ნახა. შეტყობინებას ახლსა ვიდეო — და კადრში ნამდვილად მინტი იყო აღბეჭდილი. იმავე ღამეს სხვა თვითმხილველმა შენიშნა იგი.

მეორე დღეს, 27 აპრილს, მინტმა თვალი მოჰკრა პოლიციელს, როდესაც ბანკომატიდან ფულის აღებას ცდილობდა.

პოლიცია, რომელმაც ამ ადგილის თვალთვალი დაიწყო, მალე გავიდა კეოგის კვალზე. ფურგონი გააჩერეს და მამაკაცი მის თანმხლებ ქალთან, სარა ატკინსთან ერთად დააპატიმრეს. თუმცა მინტი არსად ჩანდა. ის მანქანის ჩხრეკისას იპოვეს, როცა ფურგონის ბოლოში, მატრასების ქვეშ იმალებოდა.

გოგონა ცოცხალი და უვნებელი იყო. პოლიციის ცნობით, კეოგმა დაარწმუნა იგი სახლიდან გაქცეულიყო. მას ბრალად ბავშვის გატაცება და არასრულწლოვნის კრიმინალურ საქმიანობაში ჩართვა წაუყენეს. გარდა ამისა, იგი ეჭვმიტანილია არასრულწლოვნის მიმართ სექსუალურ ძალადობაშიც.