მედიცინის დოქტორიკოტე თოდუასაკუთარ იუთუბ-არხზე დეტალურად ხსნის, თუ რა უწყობს ხელს ცხიმის წვას, რა აფერხებს ამ პროცესს და როგორ ავიცილოთ თავიდან ცხიმის ახალი მარაგის წარმოქმნა.
წონის კლება უამრავი ადამიანის სურვილია და ყველას უნდა ეს ცხიმის წვის ხარჯზე მოხდეს. კუნთის „დაწვა“ არავის სურს, თუმცა წონაში კლებისას კუნთიც „იწვის“.
ცხიმები ჩვენს ორგანიზმში ტრიგლიცერიდების სახითაა. ის იხლიჩება თავისუფალ ცხიმოვან მჟავად და გლიცეროლად. თავისუფალი ცხიმოვანი მჟავისგან წარმოიქმნება ენერგია, გამოთავისუფლდება წყალი, რომელსაც შარდის სახით გამოვყოფთ და ნახშიროჟანგი, რომლსაც ამოვისუნთავთ. ამიტომ შარდავენ წონაში კლების დროს მეტს.
ცხიმის წვის ყველაზე დიდი სტიმული არის სტრესი. ამიტომაა, რომ დიდი სტრესის ქვეშ მყოფი ადამიანები წონაში სწაფად იკლებენ. მაგრამ თუ ხშირი სტრესი გვექნება, უფრო გამხდრები ვიქნებით? არა, ასე არ ხდება. პირიქით, თუ სტრესი ქრონიკულია, კორტიზოლის დონე იმატებს, რაც მუდმივ შიმშილს, გაძლიერებულ მადას, მუცლის ცხიმის დაგროვებას და ინსულინრეზისტენტობის ზრდას იწვევს - ეს ყველაფერი ერთად კი წონაში მატებას უწყობს ხელს. ასე რომ, მუდმივი სტრესი წონაში ამატებინებს ადამიანს, ხოლო მოიმენტალური, ხანმოკლე ძლიერი ემოციები კარგია, რადგან ამ დროს გამოყოფილი ადრენალინი ცხიმების დაშლას უწყობს ხელს.
მეორე, ყველაზე ძლიერი სტიმულანტი ცხიმის წვისთვის კალორიული დეფიციტია. როგორც კი იწყებთ იმაზე ნაკლები კალორიების მიღებას, ვიდრე ხარჯავთ, მომენტალურად ხდება ცხიმების დაშლაც.
რამდენად ეფექტურია ინტერვალური შიმშილი?
ეფექტურია მაშინ, როცა პარალელურად კალორიული დეფიციტიც გვაქვს. თუ კალორიული დეფიციტით ისედაც ვიკლებთ წონაში, ინტერვალური შიმშილი კიდევ უფრო დააჩქარებს ამ პროცესს? დიახ, თუ ნაკლებს ჭამთ და მთელ პორციას 8-საათიან „ფარნჯარაში“ ანაწილებთ, დანარჩენი 16 საათი კი შიმშილობთ, წონაში უფრო სწრაფად დაიკლებთ. ანუ ინტერვალური შიმშილი დამატებით ეხმარება ადამინას წონის კლებაში.
რაშია პრობლემა?
როცა იშლება ცხიმი, იშლება კუნთიც. მაგალითად, თუ 6 თვეში 10 კილო დაიკლო ადამიანმა, აქედან 3 კილო კუნთია, რაც ძალიან დიდი დანაკარგია. იმისთვის, რომ კუნთის კარგვა მინიმუმამდე შემცირდეს, ძალიან დიდი მნიშვნელობა აქვს ცილების მიღებას. ეს არის ხორცი, თხილეული, სოკო, კვერცხი. აქედან საუკეთესოდ მიიჩნევა ქათმის მკერდი და კვერცხი.
რამდენი ცილა უნდა მივიღოთ, რომ კუნთი შევინარჩუნიოთ?
თქვენი ამჟამინდელი წონა გაამრავლეთ ორზე და დაახლოებით იმდენი გრამი ცილა მიიღეთ. ამ შემთხვევაში თუ 10 კილოს დაიკლებთ, აქედან მხოლოდ 1 კილო იქნება კუნთი.
აერობული ვარჯში საუკეთესოა. მას მიეკუთვნება სიარული, ჩქარი სიარული, ძუნძული, სირბილი, ფეხბურთის, კალთბურთის თამაში, ცურვა და ა.შ. ანაერობული, ანუ წონებით ვარჯიშები კუნთოვანი მასის ზრდას უწყობს ხელს. ჯობს, ჯერ წონაში დაიკლოთ და შემდეგ იზრუნოთ კუნთოვანი მასის მომატებაზე.
რა მივიღოთ, რომ უფრო სწრაფად დავიკლოთ?
იხილეთ ვიდეო სრულად: