"ბაღში მიყვანისთანავე ტემპერატურამ აუწია, დედასაც დაურეკეს, სასწრაფოც გმოიძახეს, მაგრამ ბავშვს ცოცხალს ვერავინ მოუსწრო" - ახალციხის ტრაგედიის დეტალები - მშობლები
"ბაღში მიყვანისთანავე ტემპერატურამ აუწია... ბავშვს ცოცხალს ვერავინ მოუსწრო" - ახალციხის ტრაგედიის დეტალები
ტრაგედია დატრიალდა ახალციხეში, სადაც კერძო ბაგა-ბაღში ორი წლის ბავშვი გარდაიცვალა. გავრცელებული ინფორმაციით, ბავშვს ეძინა, როდესაც აღმზრდელმა დახედა და გარდაცვლილი დახვდა.
ტრაგედიის მიზეზის დადგენაზე ექსპერტ-კრიმინალისტები მუშაობენ. ფაქტზე გამოძიება სსკ 116-ე მუხლით დაიწყო, რაც გაუფრთხილებლობით სიცოცხლის მოსპობას გულისხმობს.
ადგილობრივი, რომელმაც ვინაობის გამხელა არ ისურვა, ფაქტის შესახებ საუბრობს.
- მოხდა ძალიან დიდი ტრაგედია, რისი გადმოცემა სიტყვებით შეუძლებელია. ორი წლის ბავშვის ამ ქვეყნიდან წასვლა არის უმძიმესი ამბავი. რომ იტყვიან, ყველა გულგაპობილები ვართ, ვინც ამ ბავშვის მშობლებს ან ამ ბაგა-ბაღის აღმზრდელებს თუნდაც შორიდან იცნობს. ასეთ ტრაგედიაზე ლაპარაკიც კი ძალიან მძიმეა.
ერთხანს ონკოლოგიურად დაავადებული ბავშვიც კი დაჰყავდათ ამ ბაგა-ბაღში. ცხადია, არ მიიყვანდნენ, გაუფრთხილებლობის რაიმე ნიუანსი რომ დაფიქსირებულიყო
