ჯანსაღი ძილის 5 წესი: "დროულად წვებით, მაგრამ დილით ადგომა გიჭირთ... ძილისთვის მხოლოდ ხანგრძლივობა საკმარისი არ არის" - მშობლები

1. დაიცავით 8-საათიანი ძილის წესი

მიუხედავად იმისა, რამდენი დრო სჭირდება თქვენს ორგანიზმს აღდგენისთვის, ცდილობდეთ ჯერ დაიცვათ წესი - იძინებდეთ დღეში არანაკლებ 8 საათი. თუ გეგმავთ ღვიძებას, მაგალითად, დილის 6 საათზე, მაშინ უნდა ეცადოთ ჩაიძინოთ საღამოს 10 საათზე. დროთა განმავლობაში გაიგებთ, საკმარისია თუ არა ეს პერიოდი გამოსაძინებლად, თუ შეიძლება მისი გაზრდა (შემცირება).

2. მოემზადეთ იმისთვის, რომ არ ჩაგეძინებათ მაშინვე

მიუხედავად ჩვენი გეგმებისა, მაშინვე ჩაძინება, როგორც კი თავი ბალიშს ეხება, საკმაოდ იშვიათად ხერხდება. "თუ გსურთ ჩაიძინოთ საღამოს 11 საათზე, საწოლში 10 საათზე ჩაწექით. დრო გჭირდებათ, რომ დამშვიდდეთ. აირიდეთ ყველაფერი, რაც უშლის ხელს დასვენებას", - ამბობს ქლოე ანგუსი, Cavendish Care-ის სამედიცინო დაწესებულების სპეციალისტი

3. არ მიირთვათ ყავა და არ ჭამოთ ღამით

კოფეინი და შაქარი უზრუნველყოფს ენერგიის მოზღვავებას, რომელიც ღამით საერთოდ არ არის საჭირო. რა თქმა უნდა, მათ ფონზე ჩაძინება რთული იქნება. იდეალურ შემთხვევაში, შუადღის შემდეგ უკვე თავი უნდა შეიკავოთ ყავისგან, ჩაისა და სხვა ენერგეტიკული სასმელებისგან, ხოლო ვახშამი დაგეგმოთ მინიმუმ ორი-სამი საათით ადრე ძილამდე.

4. არ გამოიყენოთ გაჯეტები გვიან საღამოს

როგორც ცნობილია, სმარტფონის ან სხვა ელექტრონიკის ეკრანებიდან გამოსული გამოსხივება ძალზე ასტიმულირებს ტვინს. ამის გარდა, კონტენტი, რომელსაც კითხულობთ ძილის წინ, ასევე შეიძლება უარყოფითად აისახოს ძილის ხარისხზე. თუ მუდმივად შეამოწმებთ სამუშაო ფოსტას ან სოციალურ ქსელებში წერილებს, მაშინ მოსვენება ძნელად მოხერხდება. ტვინი გააგრძელებს მუშაობას ინტენსიურ რეჟიმში. ამიტომ ექსპერტი ირჩევს, გამორთოთ ტელეფონის შეტყობინებები, გამოიყენოთ ღამის ფილტრები და არ უყუროთ ღამით ძალიან აღმაფრთოვანებელ შოუებსა და ემოციურ ფილმებს.

5. მოიფიქრეთ რიტუალი, რომელიც დაგეხმარებათ მოსვენებაში

ძილამდე დამშვიდებაში ეხმარება ისეთი რამ, როგორიცაა კითხვა, მოსვენებული მუსიკის მოსმენა ან კანის მოვლის პროცედურების შესრულება. დაადგინეთ წესად რეგულარულად დრო დაუთმოთ რიტუალს, და იგრძნობთ, რომ უკეთ გძინავთ.

6. აწარმოეთ "ძილის დღიური"

ცადეთ ქაღალდზე ან აპლიკაციის საშუალებით ჩაწეროთ ახალი რეჟიმის წესები: როდის შეიძლება დღის განმავლობაში ყავის ჭიქის დალევა (მაგალითად, 12:00-მდე, შემდეგ მხოლოდ მცენარეული ჩაი და კოფეინის გარეშე სასმელები), დააყენეთ შეხსენება ვახშმის მიღების 19:00-მდე, ღამით ტელეფონის გამორთვისა და ძილის დროის.