"გული მწყდება, რომ შვილებთან მეტ დროს არ ვატარებდი... მათი ბავშვობა გამოვტოვე" - დედის წერილი
"გული მწყდება, რომ შვილებთან მეტ დროს არ ვატარებდი... მათი ბავშვობა გამოვტოვე" - დედის წერილი

ჩვენს საიტზე გამოქვეყნებულ ახალგაზრდა დედის წერილს, რომელიც წუხდა, რომ შვილების გაზრდაში არავინ ეხმარება, საპასუხო გამოხმაურება მოჰყვა. ამჯერად უკვე ზრდასრული შვილების დედა გვწერს. 

"გამარჯობა, თქვენი ერთგული მკითხველი ვარ, ხშირად ვადევნებ თვალს თქვენს საიტს, მინდა გამოვეხმაურო ახალგაზრდა დედას, რომელიც ჩივის, რომ ბავშვებს მარტო ზრდის და არავინ ეხმარება...
ჩემმა ახალგაზრდობამ და სტუდენტობამ ისე ჩაიარა, ლამაზი მოგონება ბევრი შემომრჩა.
სკოლა დავამთავრე და გავთხოვდი, სწავლა გავაგრძელე სამედიცინოზე, დედამთილი ხელს მიწყობდა, ბავშვებს და სახლის საქმეებს ის უძღვებოდა, არ მაკლდა არც გართობა,, არც მეგობრები, მე და ჩემი მეუღლეც ხშირად
მივდიოდით დასასვენებლად ბავშვების გარეშე და მათ ბებიასთან ვტოვებდით, მაშინ თვითონ ბავშვი ვიყავი და გართობა ყველაფერს მერჩია.

როცა წამოიზარდნენ, ვგრძნობდი დისტანციას შვილების მხრიდან, ვხედავდი, რომ ჩემს დედამთილთან უფრო ახლოს იყვნენ, ვიდრე ჩემთან, გული ძალიან მწყდებოდა ამაზე.
ერთხელ მე და ჩემი უფროსი გოგონა რაღაც საკითხზე წავკამათდით და წამომაძახა, ჩემთვის და ჩემი ძმებისთვის რა გაგიკეთებია, როცა დედა გვჭირდებოდა, მაშინაც ბებო გვედგა გვერდითო - ეკალივით მაქვს ეს სიტყვები გულზე, გავჩუმდი და ვერაფერი ვუპასუხე, ჩემი გოგონა მართალი იყო, დედა ყოველთვის შვილების გვერდით უნდა იყოს.

დღევანდელი გადასახედიდან გული მწყდება, რომ მათთან მეტ დროს არ ვატარებდი, გამოვტოვე ყველაზე მთავარი - მათი ბავშვობა, რასაც ვერასდროს ვერაფერი ამინაზღაურებს.
ამიტომ, მივმართავ ახალგაზრდა დედებს, თუ დღეს
თქვენ თქვენი თავისთვის დრო არ გრჩებათ, როგორც უწინ, ვერ ახერხებთ გაპრანჭვას, სალონებში სიარულს, გართობას, მეგობრების მონახულებას -  ეს დროებითია.
ახლა ყველაზე მნიშვნელოვანი პერიოდი გაქვთ ცხოვრებაში, პატარები მალე იზრდებიან, ეს დრო კი ისე გაივლის, თვალის დახამხამებას ვერ მოასწრებთ, ახლა შესაძლოა, რთულად გეჩვენებათ ის, რასაც შემდეგ ცხოვრების ყველაზე ლამაზ პერიოდად გაიხსენებთ".
ხათუნა 58 წლის

altკარის გახურვას ვერ ვასწრებ, იწყება ზარები: "ვერ ვაძინებთ, მალე მოხვალ?", "რა ვაჭამოთ?" "პამპერსი სად დევს?" "რატომ ტირის?" - დედა, რომელსაც არავინ ეხმარება


3221
ბეჭდვა
მოგვწერეთ თქვენი შეკითხვები და მოსაზრებები
კომენტარები (2)
marina
0
შვილი დედამ უნდა გაზარდოს! მეც პირველ კურსზე გავთხოვდი,საღამოს დასწრებულზე ვსწავლობდი,თან ვმუშაობდი,მიუხედავად ამისა არც დედამთილი შემიწუხებია და არც დედა,ყველაფერს ვასწრებდი,მითუმეტეს,მაშინ პამპერსი და ასეთი დონის სარეცხის მანქანა არ გვქონდა,ინსტიტუტშიც წამიყვანია შვილი და ,,გეპეის'' შენობას ,,დედიკოს სკოლას'' ეძახდა,მიუხედავად ამისა,მაინც სულ ვამბობ,რომ შვილების მოფერება ვერ მოვასწარი,ამითომ ნუ წაართმევთ შვილებს თქვენს სითბოს,დედობრივი მოვალეობის შესრულებისგან ჯერ არავინ მომკვდარა...
10:25 / 10-03-2020
df
1
სრულად ვერ დავეთანხმები ამ ქალბატონს. იმ ნაწილში რომ დედა და მამამ ბავშვების აღზრდაშI მონაწილეობა უნდა მიიღონ, ასევე აქტიურად უნდა იყვნენ ჩართულები ბავშვების ყოველდღიურობაში ვეთანხმები, მაგრამ სამი შვილის ყოველგვარი დახმარების გარეშე გაზრდა, თუნდაც ელემენტარული ჰიგიენის დაცვა, მათთვის საჭმელის მომზადება და ა.შ. უამრავ ენერგიას საჭიროებს. დახმარება არ უნდა გავიგოთ , ისე რომ ვიღაცას, თუდაც ბებიას გადავაბაროთ ბავშვი 24/7, მაგრამ თუნდაც ელემენტარულ ყოველდღიურ საკითხებშI დახმარება ძალიან დიდ შეღAვათს აძლევს მშობლებს.
11:35 / 04-03-2020
მსგავსი სიახლეები