"კა­ნონ­ში თუ არ ჩა­გი­წე­რეს, ისე ვერ ხვდე­ბით, რომ ექ­სკურ­სია სა­ქე­ი­ფო და გა­სა­ლე­ში ად­გი­ლი არ არის? რომ ბავ­შვე­ბის ჯან­მრთე­ლო­ბა და სი­ცო­ცხლე ყვე­ლა­ზე მნიშ­ვნე­ლო­ვა­ნია?"
"კა­ნონ­ში თუ არ ჩა­გი­წე­რეს, ისე ვერ ხვდე­ბით, რომ ექ­სკურ­სია სა­ქე­ი­ფო და გა­სა­ლე­ში ად­გი­ლი არ არის? რომ ბავ­შვე­ბის ჯან­მრთე­ლო­ბა და სი­ცო­ცხლე ყვე­ლა­ზე მნიშ­ვნე­ლო­ვა­ნია?"

3 წლის წინ ექსკურსიაზე გარდაცვლილი 16 წლის სოფი ნიკოლეიშვილის და, ბლო­გე­რი და სა­მო­ქა­ლა­ქო აქ­ტი­ვის­ტი სა­ლო­მე ბარ­კე­რი სასკოლო ექსკურსიებთან დაკავშირებით მიღებულ ახალ წესებს ეხმაურება და წერს, რომ სოფის საქმე სასამართლოში ჯერად არ დასრულებულა.

"2019 წლის 26 მა­ისს სკო­ლის ექ­სკურ­სი­ა­ზე წა­სუ­ლი 16 წლის სოფი ნი­კო­ლე­იშ­ვი­ლი მე­ო­რე დღეს სახ­ლში მკვდა­რი ჩა­მო­ვას­ვე­ნეთ. სოფი ნი­ნოს­ხე­ვის ჩანჩქერ­ში თა­ნაკ­ლა­სე­ლებ­თან და მას­წავ­ლებ­ლებ­თან ერ­თად ბა­ნა­ო­ბი­სას დი­ნე­ბამ წა­ი­ღო და წყალ­ში და­იხ­რჩო.

საქ­მე­ზე გა­მო­ძი­ე­ბა მე­ო­რე დღეს, 2019 წლის 27 მა­ისს და­ი­წყო 116-ე მუხ­ლით (სი­ცო­ცხლის მოს­პო­ბა გა­უფრ­თხი­ლებ­ლო­ბით), რამ­დე­ნი­მეთ­ვი­ა­ნი ტან­ჯვის მერე მა­ღირ­სეს და­ზა­რა­ლე­ბუ­ლის სტა­ტუ­სი, ერთი წლის შემ­დეგ
კი, (ფე­ის­ბუქ­ზე ოცჯერ და­წე­რი­ლი “პრო­კუ­რა­ტუ­რა, ჰა რას შვრე­ბით, ხო არ და­გა­ვი­წყდით” პოს­ტის მერე) 2020 წლის პირ­ველ ივ­ლისს საქ­მე გა­დაკ­ვა­ლი­ფი­ცირ­და და სო­ფის ორ მას­წავ­ლე­ბელს ბრა­ლი წა­რედ­გი­ნა 220-ე, გულ­გრი­ლო­ბის მუხ­ლით, რო­მელ­მაც სი­ცო­ცხლის მოს­პო­ბა გა­მო­იწ­ვია. ტომ­ნა­ხევ­რი­ა­ნი საქ­მე გურ­ჯა­ა­ნის რა­ი­ო­ნულ სა­სა­მარ­თლოს გა­და­ე­ცა გან­სა­ხილ­ვე­ლად.

ორი წლის გან­მავ­ლო­ბა­ში სულ ჩა­ტარ­და ათამ­დე პრო­ცე­სი და გა­მო­ი­კი­თხა ათამ­დე მოწ­მე. აღ­სა­ნიშ­ნა­ვია, რომ ჯერ­ჯე­რო­ბით გა­მო­კი­თხუ­ლე­ბი არი­ან მხო­ლოდ სკო­ლის მოს­წავ­ლე­ე­ბი და და­ცუ­ლი ტე­რი­ტო­რი­ე­ბის სა­ა­გენ­ტოს თა­ნამ­შრომ­ლე­ბი. გა­მო­სა­კი­თხია ად­გილ­ზე შემ­თხვე­ვის ად­გი­ლას მყო­ფი და ფაქ­ტის შემ­სწრე ოთხი მოწ­მე, რო­მე­ლიც არ წარ­მო­ად­გენს არც სკო­ლას და არც და­ცუ­ლი ტე­რი­ტო­რი­ე­ბის სა­ა­გენ­ტოს.

ბოლო სა­სა­მარ­თლო პრო­ცე­სი გა­ი­მარ­თა 2021 წლის ივ­ლის­ში! ამის შემ­დეგ სა­სა­მარ­თლო პრო­ცე­სი აღარ გა­მარ­თუ­ლა და სხვა­დას­ხვა მი­ზე­ზე­ბით (პან­დე­მია, შვე­ბუ­ლე­ბა, არ­ჩევ­ნე­ბი..) გა­და­დე­ბუ­ლია გა­ურ­კვე­ვე­ლი დრო­ით.

ახლა 2022 წლის მა­ი­სია, სო­ფის სიკ­ვდი­ლი­დან სამი წელი გა­ვი­და. და უკვე 9 თვეა სა­სა­მარ­თლო აღარ მიმ­დი­ნა­რე­ობს. გურ­ჯა­ა­ნის რა­ი­ო­ნუ­ლი სა­სა­მარ­თლოს გან­რიგ­ში თვის ბო­ლომ­დე ჩა­ნიშ­ნუ­ლი საქ­მე­ე­ბის სი­ა­ში სო­ფის საქ­მე არ იძებ­ნე­ბა.

შე­სა­ბა­მი­სად, ხვალ, 6 მა­ისს ვა­პი­რებ­დი გურ­ჯა­ა­ნის სა­სა­მარ­თლოს წინ ჩას­ვლას სამი ბა­ნე­რით - რას ელო­დე­ბით ამ­დენ ხანს? (რე­ფე­რენ­სი: 3 Billboards Outside Ebbing, Missouri) და ამ პოს­ტის გა­მოქ­ვეყ­ნე­ბა­საც ხვალ ვა­პი­რებ­დი, ბა­ნე­რე­ბის ფო­ტო­თი.

თუმ­ცა, მო­უ­ლოდ­ნე­ლად და სას­წა­უ­ლებ­რი­ვად (ჰაჰ) დღეს შეგ­ვა­ტყო­ბი­ნეს, რომ მა­ის­ში ერ­თბა­შად 3 (სამი) პრო­ცე­სი ჩა­ი­ნიშ­ნა ყო­ველ ორ­შა­ბათს.

ალ­ბათ უბ­რა­ლოდ დამ­თხვე­ვაა, აბა რა.#ძა­ან­საყ­ვა­რე­ლი­სა­ქარ­თვე­ლო

პ.ს. ასე­ვე დღე­ვან­დე­ლი ექ­სკურ­სი­ის რა­დი­უ­სის ამ­კრძა­ლა­ვი კა­ნო­ნი რა თქმა უნდა კო­მი­კუ­რი მგო­ნია, თუმ­ცა მდი­ნა­რე­ებ­სა და სხვა "სა­შიშ" ტე­რი­ტო­რი­ებ­ზე ბავ­შვე­ბის ტან­ტა­ლიც იკ­რძა­ლე­ბა ამ ახა­ლი კა­ნო­ნით და მი­ვე­სალ­მე­ბი, რამ­დე­ნა­დაც შე­საძ­ლე­ბე­ლია.

მა­ინ­ცდა­მა­ინც კა­ნონ­ში თუ არ ჩა­გი­წე­რეს ისე ვერ ხვდე­ბით ვი­თომ მაგ­დენს, რომ ექ­სკურ­სია სა­ქე­ი­ფო და გა­სა­ლე­ში ად­გი­ლი არ არის?? რომ ბავ­შვე­ბის ჯან­მრთე­ლო­ბა და სი­ცო­ცხლე ყვე­ლა­ზე მნიშ­ვნე­ლო­ვა­ნია? მაგ­რამ იქ­ნებ ვერც ხვდე­ბით. Who knows. სო­ფის სკო­ლა რომ პა­სუ­ხის­მგებ­ლო­ბას ამის მი­უ­ხე­და­ვად ვერ აი­რი­დებთ, მა­გა­საც შე­გახ­სე­ნებთ კი­დევ ერთხელ, ყო­ვე­ლი შემ­თხვე­ვის­თვის" - წერს ბარ­კე­რი.

alt"რასაც ვაკეთებ, ყველაფერს სოფის სახელზე ვაკეთებ... ვცდილობ არ გავჩერდე, რომ ცუდი ფიქრებისკენ არ წავიდე..." - შვილის გარდაცვალების შემდეგ ნაპოვნი ნუგეში

alt"ორი­ვე მას­წავ­ლე­ბე­ლი ცდი­ლობს თავი და­იძ­ვრი­ნოს... რო­გორ არ გე­ში­ნი­ათ ან გრცხვე­ნი­ათ, არ ვიცი" - სალომე ბარკერი 16 წლის დის გარდაცვალების საქმეზე წერს


2438
ბეჭდვა
მოგვწერეთ თქვენი შეკითხვები და მოსაზრებები
კომენტარები (1)
nn
0
კი ბევრი ვერ ხვდება რა რისკებთანაა დაკავშირებული ბუნებაში გასვლა....არამარტო ბავშვების ექსკურსია ზოგადად ექსკურსია მნიშვნელოვან ნიუანსებს მოიცავს და არაფხიზელ მდგომარეობაში ბევრი უბედურება შეიძლება დატრიალდეს..ამ ხალხს არც აკრძალვები მოწონს თვითონაც პასუხისმგებლობის ჰრძნობა არ გააჩნიათ,, ნურც მოფრინდები ნურც გაფრინდებია ყველა რა...
13:38 / 06-05-2022
მსგავსი სიახლეები